Агропром

“Нам бы толькі сонечных дзён…”

лунинский 02
Канстанцін і Іван Корчыкі

Так адказаў на пытанне, як ідзе жніво, старшыня СВК “Лунінскі’’ Васіль Мелюх і ўсміхнуўся:

— Яшчэ зусім нядаўна мы толькі пра дождж марылі, калі ж ён пайшоў, то зноў просім сонца… А калі сур’ёзна, то стараемся выкарыстаць кожную спрыяльную для работы хвіліну. На 27 ліпеня абмалацілі збожжавыя на плошчы 256 гектараў. Пры сярэдняй ураджайнасці 45,1 цэнтнера з гектара атрымалі 1155 тон зерня. Здзівіла ўраджайнасць збожжавых, што раслі на мінеральных глебах. У прыватнасці, азімая пшаніца. Размешчаная на 51-гектарнай плошчы, яна дала 58,5 цэнтнера на круг; 45 цэнтнераў з гектара атрымлівалі ячменю. Не падвяло і азімае жыта, якога з гектара намалочвалі па 42 цэнтнеры. На жаль, такога ўраджаю не даводзіцца чакаць ад яравых каласавых, якім у свой час не хапала для росту вільгаці.

Паралельна з уборкай вядзем продаж зерня дзяржаве. На Пінскі камбінат хлебапрадуктаў ужо даставілі 300 тон азімага жыта, 150 тон яго, згодна з дзяржзаказам, адгрузілі на Мінскі КХП. Заданне па продажу пшаніцы таксама будзе выканана. З даведзеных 350 тон 208 тон ужо засыпалі ў дзяржаўныя засекі. Як толькі абмалоцім яравую пшаніцу, вывезем і астатняе.

Усяго ў “Лунінскім” сёлета неабходна абмалаціць збожжавыя і зернебабовыя на плошчы 1133 гектары. Зрабіць гэта належыць 6 экіпажам камбайнаў, сярод якіх 3 — сямейныя. Іван Савіловіч сабе ў памочнікі ўзяў жонку Вольгу, Сяргей Савіловіч, як і ў ранейшыя гады, — сына-студэнта Дзмітрыя, будучага інжынера; Канстанцін Корчык трэці год запар бярэ дваюраднага брата Івана. Ім, дарэчы, дастаўся новы камбайн, набыты летась у лізінг. На ім экіпаж ужо намалаціў 202 тоны збожжа. Гэта — трэці вынік у гаспадарцы.

Калі завіталі на ніву, Канстанцін і Іван КОРЧЫКІ разам з іншымі хлебаробамі ўбіралі азімае трыцікале. Мяркуючы па тым, як адзін за другім спыняліся з поўнымі бункерамі камбайны, намалот і тут быў нядрэнным. Да таго ж, поле ўразіла не толькі буйным коласам, але і чысцінёй. Як расказаў Васіль Мелюх, збажыну з ускрайкаў нівы абжалі крыху раней і накіравалі на корм жывёле. Цяперашні намалот пойдзе на насенне. Вільготнасць зерня на коласе тут не перавышае 14 працэнтаў. А гэта значыць, што дасушваць яго не трэба.

лунинский 03
Мікалай МАЛАШЧЫЦКІ і Юлія АБРАВЕЦ

Жніво ў гэты дзень пад кіраўніцтвам галоўнага агранома Мікалая МАЛАШЧЫЦКАГА і брыгадзіра Юліі АБРАВЕЦ вялося і на іншых участках, адкуль на зернеток паступала збожжа з вільготнасцю 18 працэнтаў. Яго адразу накіроўвалі да сушылак. Сёлета тут таксама стаў працаваць новы комплекс, які ў запаслівых гаспадароў некалькі год чакаў свайго часу. Новымі прэс-падборшчыкам і трактарам папоўніўся атрад па ўборцы саломы. Дорагакаштуючую тэхніку даверылі вопытнаму механізатару Аляксандру РАМАНОВІЧУ.

Кожны год на дапамогу хлебаробам прыходзяць студэнты ВНУ. Адзін з іх — будучы інжынер Іван АБРАВЕЦ:

— Чацвёртае лета адвожу зерне ад камбайнаў. Набіраюся вопыту, адначасова назіраю за арганізацыяй работы. Свой трактар мне даверыў брат Павел. Ён зараз працуе на камбайне.

Не зарастаюць пустазеллем у гаспадарцы і ўбраныя палі: толькі за паўтара дня 71 гектар засеялі паўкоснымі культурамі. Іх пазней убяруць на корм жывёле. Дарэчы, корманарыхтоўкі не ўпускаюць з поля зроку ні на дзень. Кожную раніцу то адзін, то другі механізатар здымаецца з камбайна і да часу, пакуль не высахне раса, косіць ці падбірае травы. Гэта ні ў якім разе не шкодзіць жніву, якое тут пры добрым надвор’і мяркуюць закончыць за 15 рабочых дзён.

лунинский 04
Аляксандр Рамановіч
лунинский 01
Іван Абравец

Галіна КУЧЭЙКА

Показать больше

Похожие статьи

Кнопка «Наверх»
Закрыть
Закрыть