Агропром

Наступная прыступка – 6-тысячная

vulka-2

Ганаровага Дыплома пераможцаў абласнога спаборніцтва за дасяненне высокіх паказчыкаў у вытворчасці малака сярод МТФ Брэстчыны за 9 месяцаў удастоены жывёлаводы МТФ “Галы Бор” СВК “Вулькаўскі світанак”.

Павіншаваць працаўнікоў з гэтай нагоды ў сельгаспрадпрыемства прыехалі намеснік старшыні абкама прафсаюза работнікаў АПК Аляксей Флар’яновіч, загадчык ад-дзела сацыяльна-эканамічнай работы Аляксандр Бараноўскі, начальнік аддзела вытворчасці прадукцыі жывёлагадоўлі аблсельгасхарчу Юлія Леванчук, намеснік генеральнага дырэктара “Брэстплемпрадпрыемства” Ірына Майсакова, а таксама старшыня райкама прафсаюза работнікаў АПК Вольга Ермалёнак і намеснік начальніка райсельгасхарчу Алег Багук.

Уручаючы заслужаную ўзнагароду, Аляксей Флар’яновіч падзякаваў прысутным за добрую работу і пажадаў у далейшым дасягнуць яшчэ лепшых вынікаў. Тое, што калектыў перамог у намінацыі па вытворчасці малака ў групе да 5-тысячных надояў на карову, – гэта добра. Аднак варта пастарацца ўзняцца на прыступку вышэй і мець 6-тысячныя паказчыкі.

Па словах кіраўніка сельгаспрадпрыемства Уладзімі-ра Соца ў сённяшніх умовах – гэта ўпаўне дасягальна. Жывёлагадоўля ў гаспадарцы – прыярытэтная галіна. Яе развіццю падпарадкаваны ўсе службы. З года ў год укладваюцца значныя сродкі як у будаўніцтва, так і ў рамонт памяшканняў. Паляпшаюцца бытавыя ўмовы. Гэта дазволіла толькі сёлета валавую вытворчасць малака павялічыць на тысячу тон. Калі не зніжаць узятых тэмпаў, то можна будзе ў хуткім часе ганарыцца сваімі вынікамі.

Што датычыць непасрэдна МТФ “Галы Бор”,  то яна была ўзведзена ў 2009 годзе. Утрымліваецца тут 653 каровы і амаль 100 нецеляў, якіх мяркуецца ў бліжэйшы час увесці ў асноўны статак. Абслугоўваюць яго  21 чалавек, сярод якіх 4 спецыялісты. Тры гады таму калектыў узначаліла Людміла Вячорка. Бухгалтар па спецыяльнасці, а па прызванню – жывёлавод, у свой час яна пакінула кабінетную работу і стала працаваць тэхнікам-асемянатарам, завочна закончыла Столінскі сельскагаспадарчы тэхнікум. На рабоце не толькі паказвала нядрэнныя вынікі, але і праявіла сябе як добры арганізатар. Аб гэтым красамоўна сведчаць лічбы: валавая вытворчасць малака за 10 месяцаў сёлета павялічылася на 20 працэнтаў. У разліку на карову надаілі  4500 кілаграмаў малака. Да канца года плануецца мець не менш як 5300 кілаграмаў. А падставы для руху наперад ёсць: моцная кармавая база, уменне калектыва працаваць зладжана і захоўваць тэхналогію. Зараз тут заканчваецца наладка новага даільнага абсталявання. Гэта прымушае жывёлаводаў працаваць у больш напружаным тэмпе. Тым не менш, пацярпець часовыя цяжкасці ніхто не адмаўляецца. Усе ўпэўнены, што пасля заканчэння работ умовы працы стануць яшчэ лепшымі.

Показать больше

Похожие статьи

Кнопка «Наверх»
Закрыть
Закрыть