Першы «тысячнік» на жніве ў Лунінецкім раёне (фотарэпартаж)
Першым у Лунінецкім раёне 1000 тон збожжа ад камбайнаў даставіў на зернеток вадзіцель аўтамабіля МАЗ з ААТ “Вулькаўскі світанак” Анатоль Яраховіч.
Уручаючы Анатолю Рыгоравічу Падзяку ад раённага выканаўчага камітэта, кіраўнік раёна Аляксандр Савіна адзначыў, што яго поспех пацверджаны асабістай стараннасцю, разуменнем важнасці жніва, адданасцю і любоўю да роднай зямлі. Падарункі і грашовыя прэміі пераможцы спаборніцтва таксама ўручылі прадстаўнікі абкама прафсаюза работнікаў АПК: намеснік старшыні – Яўген Мартынюк і галоўны тэхнічны інспектар працы – Сяргей Конюшка, а таксама раённы лідар прафсаюзнага руху Вольга Ермалёнак.
У гэты дзень ушанаванні адрасаваліся яшчэ некалькім удзельнікам жніва з “Вулькаўскага світанка”.
Падрабязнасці ў «Лунінецкіх навіных» за 3 жніўня
Прапануем вашай увазе невялікі фотарэпартаж