Официально

АДЗІНЫ СПОСАБ КАМПЕНСАВАЦЬ УРОН – СТРАХАВАННЕ

Аналіз гідраметэаралагічнай абстаноўкі сведчыць аб набліжэнні паводкі, якая можа закрануць і наш раён.
Улічваючы велічыню снежнага покрыва, глыбіню прамярзання, узровень вады ў рэках, прагназуецца, што веснавая паводка будзе больш небяспечнай, чым ў мінулыя гады. Невыключна, што можа паўтарыцца сітуацыя 1999 года, калі ў раёне было падтоплена 24 населеныя пункты.
Усё гэта прымушае канцэнтраваць увагу на змяншэнні наступстваў. Напрыканцы студзеня на пасяджэнні камісіі па надзвычайных сітуацыях пры райвыканкаме зацверджаны план па стварэнню матэрыяльных рэзерваў і пералік інжэнернай тэхнікі, якая будзе задзейнічана пры разліве рэк. Абследаваны ўсе дамбы, вядзецца падсыпка ў Запроссі. Адзіная вёска, якая не мае на сённяшні дзень дамбы, – Града.
У большай ступені верагоднасці ў зону падтаплення трапяць Люшча, Любачын, Намакрава, Мокрава, Кажан-Гарадок, Сінкевічы, 10-ы мікрараён – у Мікашэвічах, Залессе – у Лунінцы.
Раённы аддзел па надзвычайных сітуацыях заклікае ўсіх жыхароў Лунінеччыны, што пражываюць у населеных пунктах, дзе чакаецца паводка, у добраахвотным парадку застрахаваць маёмасць і пабудовы. Гэта – адзіны спосаб кампенсаваць урон, які можа прынесці вялікая вада. Трэба памятаць, што згодна з нарматыўнымі дакументамі, пасля аб’яўлення надзвычайнай сітуацыі страхаванне маёмасных інтарэсаў грамадзян будзе спынена. Не адкладвайце на заўтра тое, што можна зрабіць сёння!
Сяргей БЕСАН, намеснік начальніка РАНС.

Показать больше

Похожие статьи

Кнопка «Наверх»
Закрыть
Закрыть