Культура

Падтрымаем нашых!

ШляхцічыНа тэлеканале СТВ стартаваў чарговы сезон праграмы «Зорны рынг».

Праект кожны тыдзень зводзіць на імправізаваным полі бою розных па стылю музыкантаў. 7 мая ў Мінску адбыўся запіс перадачы з удзелам народнага ансамбля песні і музыкі «Шляхцічы» гарадскога Дома культуры, кіраўніком якога з’яўляецца Генадзь Шэўчык. Канкурэнцыю нашым землякам склалі фіналісты рэспубліканскага музычнага тэлепраекта «Спяваючыя гарады», якія прыехалі з Рагачова.

Лунінчане выклікалі да сябе вялікую цікавасць. Калектыў выступаў у суправаджэнні баяна, акардэона, барабана і бубна. Шчырыя ўсмешкі, звонкія галасы, адпрацаваныя жэсты –  так выглядалі нашы артысты.

Народнаму ансамблю песні і музыкі «Шляхцічы» ўжо 7 год. За час свайго існавання яны прымалі ўдзел не толькі ў рэспубліканскіх канцэртах, але і за межамі краіны. Ансамбль вызначаецца адметным выкананнем песень. У сваіх выступленнях яны выкарыстоўваюць сучасныя інструментальныя аранжыроўкі і імправізацыі. На конкурсе ансамбль выканаў песню ўласнага аўтарства «Полька-гапатуха» (словы Ігара Мігалевіча, музычная апрацоўка Генадзя Шэўчыка), а таксама па-новаму апрацаваную песню М. Матусоўскага «Падмаскоўныя вечары».

Тэлегледачы 15 чэрвеня змогуць не толькі ўбачыць выступленне вядомага ансамбля Лунінеччыны, але і падтрымаць калектыў з дапамогай тэлефоннага галасавання. Сачыце за тэлепраграмай!

Показать больше

Похожие статьи

Одно Сообщение

  1. Падтрымаць-то падтрымаем, але ці не зганьбяць яны Лунінеччыну, як гэта было на “Спяваючых гарадах”? Асабліва калі будуць спяваць не характэрныя для іх рэпертуара “Падмаскоўныя вечары”. Ці можа яны вырашылі ўзяць не майстэрствам, а велізарнай папулярнасцю песні?

Кнопка «Наверх»
Закрыть
Закрыть