Урач – адна з незвычайных прафесій, якая адыгрывае важную ролю ў нашым жыцці. Яго памылка можа стаць фатальнай для цела ці духу. Таму ад прадстаўнікоў гэтай сферы мы чакаем не толькі  прафесіяналізму, але і асаблівага ўзроўню маральнасці і душэўнай чысціні. Напярэдадні адметнай даты — Дня медыцынскіх рааботнікаў (19 чэрвеня) пабывалі ў галоўнага ўрача УАЗ «Лунінецкая ЦРБ» Святланы ХЛЕБУС

– Усяго ў сістэме ахове здароўя Лунінецкага раёна задзейнічаны 1638 чалавек, з іх 211 урачоў і 778 сярэдніх медработнікаў. Для кожнага спецыяліста важна працаваць мэтанакіравана і зладжана. Паспяхова дзейнічаюць стацыянар, педыятрычнае аддзяленне і жаночая кансультацыя на Залессі, па-ліклініка. Задаволены рэалізацыяй планаў па рэканструкцыі інфекцыйнага аддзялення, якое летась адчыніла дзверы для пацыентаў. Сёлета пачаў работу абноўлены кабінет камп’ютарнай тамаграфіі. Сучаснае тэхналагічнае абсталяванне дазваляе праводзіць дыягностыку пры захворваннях на каронавірусную інфецыю, анкалогію, паталогіях сардэчна-сасудзістай сістэмы… Увогуле, наша бальніца па аснашчэнні не саступае аб’ектам такога кшталту ў вобласці….

Аб перспектывах развіцця сістэмы аховы здароўя, спецыялістах. якія шчыруюць для людзей у Лунінцы, Мікашэвічах і на сяле, чытайце ў нумары газеты «Лунінецкія навіны» за 17 чэрвеня