1 чэрвеня традыцыйна на другі дзень Тройцы ў аграгарадку Лобча Лунінецкага раёна праводзіўся абрад "Ваджэнне Кусты на другі дзень Тройцы".

Удзельнікі народнага фальклорнага калектыву "Лабчанка" філіяла Лобчанскі СДК з абрадавымі песнямі і пажаданнямі добрага ўраджаю абыйшлі падворкі аднавяскоўцаў.

Нагадаем, што з 2016 года гэты абрад унесены ў Дзяржаўны спіс нематэрыяльных каштоўнасцей Рэспублікі Беларусь.

Штогод занатаваць абрад прыязджаюць госці з розных куточкаў Беларусі. Сёння гэта былі госці з Веткі Гомельскай вобласці.

Святлана Касцючэнка

Далучайцеся да нашага канала ў Telegram