Святочнае мерапрыемства да Дня пажылых людзей прайшло ў Цэнтры дзіцячай творчасці г. Лунінца.

У нашай краіне шмат робіцца для прадстаўнікоў шаноўнага ўзросту. Прысутных у зале цёплымі словамі шчыра віталі ад імя райвыканкама выконваючы абавязкі начальніка аддзела ідэалагічнай работы і па справах моладзі Сяргей Молчан, а таксама дырэктар Лунінецкага тэрытарыяльнага цэнтра сацыяльнага абслугоўвання насельніцтва Тамара Патурай, лідар прафсаюзнага руху Лунінеччыны Ігар Гапон.

Старшыня раённай арганізацыі РГА “Белая Русь” Раіса Мазырчук, пажадаўшы моцнага здароўя і доўгіх гадоў жыцця, падарункі і кветкі ўручыла кіраўніку ветэранскай арганізацыі Надзеі Лазіцкай, а таксама самым актыўным удзельнікам.

Добры настрой гледачам падарылі артысты. А прадстаўнікі Чырвонага Крыжа загадзя паклапаціліся пра самаадчуванне людзей элегантнага ўзросту. Медыцынская сястра Ганна Вішнявецкая ўсім жадаючым мерала артэрыяльны ціск і сатурацыю.

Падпісвайцеся на наш канал у Telegram