Навабранцы з Лунінецкага раёна накіроўваюцца ў вайсковыя часці
На гэтым тыдні пачалася адпраўка юнакоў, прызваных на тэрміновую ваенную службу, службу ў рэзерве, у злучэнні і вайсковыя часці Узброеных Сіл Рэспублікі Беларусь.
З Лунінеччыны ў першы дзень у суправаджэнні начальніка аддзела прызыву міжрайваенкамата Руслана Клюкача адправіліся 10 чалавек. А ўсяго ў кастрычніку-лістападзе для ўкамплектавання Узброеных Сіл, іншых войск і воінскіх фарміраванняў плануецца накіраваць каля 150 навабранцаў. Правядзенне цырымоніі прыняцця Ваеннай прысягі запланавана на 25 лістапада.
Сярод першых шчасліўчыкаў – лунінчанін Уладзіслаў Чарнавокі:
– Закончыў БДТУ. Па спецыяльнасці працаваў на цэментным заводзе ў Касцюковічах. Размеркавалі ў 351 базу аховы і абслугоў-вання Міністэрства абароны ў Мінску. Пастараюся годна выканаць мужчынскі абавязак.
З ахвотай ідзе ў армію і Віктар Кавалевіч з Дзятлавіч. Стан здароўя і фізічныя магчымасці дазволілі юнаку трапіць у 5 асобную брыгаду спецыяльнага прызначэння ў Мар’інай Горцы.
Аляксей КАВАЛЁЎ.
Далучайцеся да нашага канала ў Telegram