Паважаныя свяшчэннаслужыцелі і вернікі Рымска-каталіцкай і іншых хрысціянскіх цэркваў Лунінеччыны! ардэчна віншуем вас з Ражством Хрыстовым!

На працягу тысячагоддзяў не гасне сіла гэтай вялікай урачыстасці, якая з’яўляецца невычэрпнай крыніцай чалавекалюбства і міласэрнасці. Ражство прыносіць мільёнам вернікаў радасць і надзею на перамогу дабра і духоўнасці, ачышчае думкі і пачуцці, заклікае да высакародных учынкаў.

Мы любім і чакаем гэтае цудоўнае свята, якое нагадвае аб непарыўнай сувязі пакаленняў, неабходнасці клапаціцца аб сваіх блізкіх. У гэтыя зімовыя дні з агнямі ёлак і перазвонам званоў у сем’ях пануе атмасфера згоды і ўзаемаразумення, якая сагравае сэрцы ўвесь наступны год.

Няхай Ражство падорыць усім добры настрой і цеплыню сяброўства. Няхай дастатак і ўзаемапавага паселяцца ў кожным доме. Жадаем вам моцнага здароўя, поспехаў і дабрабыту. Светлага свята!

Раённы выканаўчы камітэт.

Раённы Савет дэпутатаў.