Набыў аўтамабіль. Папярэдні гаспадар прайшоў сёлета тэхагляд. Ці можна зрабіць перанос адметкі?

Віктар ВАСІЛЬЕЎ.
г. Лунінец.

Адказвае інжынер па допуску транспартных сродкаў да ўдзелу ў дарожным руху філіяла УП «Белтэхагляд» Віталь Цыпкевіч:

– На падставе пункта 25 Палажэння аб парадку правядзення дзяржаўнага тэхнічнага агляду транспартных сродкаў і іх допуску да ўдзелу ў дарожным руху, зацверджанага пастановай Савета Міністраў Рэспублікі Беларусь ад 30 красавіка 2008 г. № 630 у рэдакцыі пастановы Савета Міністраў Рэспублікі Беларусь ад 29 чэрвеня 2020 г. № 381 УП «Белтэхагляд» ажыццяўляе перанос адпаведнай інфармацыі на новы бланк дазволу на допуск транспартнага сродку да ўдзелу ў дарожным руху.

Адпаведная працэдура робіцца па заяве заказчыка ў наступных выпадках:

• калі адбылася змена рэгістрацыйнага знака транспартнага сродку, у тым ліку пры змене ўласніка;
• калі дазвол згублены або пашкоджаны ў перыяд тэрмiну яго дзеяння.

 Для выдачы новага дакумента супрацоўніку УП “Белтэхагляд” неабходна прадаставіць наступныя дакументы:

• запоўненая і падпісаная заява;
• пасведчанне аб рэгістрацыі транспартнага сродку (тэхпашпарт);
• дакумент, які засведчвае асобу заяўніка;
• папярэдні дазвол на допуск да ўдзелу ў дарожным руху.

Кошт новага дазволу – 10 рублёў 20 капеек. Аплаціць можна ў банку ў банку, на пошце ці самастойна ў сістэме «Разлік» АРІП. Алгарытм дзеянняў: Аплата паслуг – Сістэма «Разлік» (АРІП) – Іншыя плацяжы – Белтэхагляд – Паслуга (перанос інфармацыі). Указаць трэба серыю і нумар тэхпашпарта транспартнага сродку з абавязковым указаннем імя па бацьку.