Бязмежную любоў прынеслі ў сацыяльны прытулак валанцёры Чырвонага Крыжа станцыі Лунінец і лакаматыўнага дэпо. У рамках акцыі “Дзеці да школы” яны падрыхтавалі падарункі і канцылярскія прыналежнасці.

Хлопчыкі і дзяўчынкі з  удзячнасцю глядзелі ў вочы гасцям, прымаючы іх пажаданні здароўя, добрага настрою і моцнай веры ў светлую будучыню. Атмасфера цяпла і дабрыні, радасці і весялосці, падораная ў гэты дзень, дапамагла дзеткам адчуць клопат, якога яны пазбавіліся з-за нядбайнасці гора-бацькоў.