Былых камсамольцаў не бывае
![Былых камсамольцаў не бывае](/upload/resize_cache/medialibrary/9aa/780_470_2/hjk11lz9pfaytjd5q9th0och05q239dj.jpeg)
Гэта стала відавочным на сустрэчы, якая адбылася на мінулым тыдні ў раённым краязнаўчым музеі.
![](http://www.old.webworking.site/wp-content/uploads/2018/11/%D0%BA%D0%BE%D0%BC%D1%81%D0%BE%D0%BC1.jpg)
Тут сабраліся людзі, чыя маладосць прайшла пад знакам камсамола: Галіна Мар’іна, Людміла Казадаева, Павел Дабрынец, Яўген Богдан, Ала Ачапоўская, Вячаслаў Супрунчык, Ганна Драздовіч, Мікалай Хомка, Максім Сумар, Аляксандра Кулага, Ігар Гапон, а таксама прадаўжальнікі лепшых традыцый – Сяргей Молчан, Андрэй Курыловіч і Ігар Гаргун. За кубкам чаю госці вечара дзяліліся ўспамінамі пра цікавыя паходы, дружныя суботнікі і іншыя эпізоды гарачай камсамольскай пары. Добрым словам яны ўспаміналі час, прысвечаны арганізацыі, якая не толькі гуртавала юнакоў і дзяўчат, але і выхоўвала ў іх дух адданасці Радзіме, далучала моладзь да працы, спорту, культуры, давала пуцёўку ў жыццё. Сустрэча суправаджалася канцэртнымі нумарамі, якія падрыхтавалі самадзейныя артысты Лунінеччыны. Вечар прайшоў на адным дыханні – дыханні эпохі СССР.
![](http://www.old.webworking.site/wp-content/uploads/2018/11/%D0%BA%D0%BE%D0%BC%D1%81%D0%BE%D0%BC.jpg)
![](http://www.old.webworking.site/wp-content/uploads/2018/11/%D0%BA%D0%BE%D0%BC%D1%81%D0%BE%D0%BC2.jpg)