У нашым сельгаскаледжы збор другаснай сыравіны ператварылі ў захапляльныя спаборніцтвы.
Самы актыўны ўдзел у здачы макулатуры прынялі навучэнцы 14 групы (куратар Вячаслаў Каховіч, майстры Таццяна Федаровіч і Мікалай Ляўша). Да таго ж, падлеткі аказа-ліся самымі дысцыплінаванымі, заняўшы першае месца па наведваемасці заняткаў. Паспяховая група была заахвочана паездкай у Брэст. У кінатэатры “Мір” паглядзелі мастацкі фільм “Сталінград”, зняты ў фармаце 3D. На свае вочы ўбачылі сляды сапраўднай вайны, якія дагэтуль захоўвае крэпасць-герой. Перапоўненыя ўражаннямі, што застануцца надоўга, навучэнцы шчыра ўдзячны адміністрацыі каледжа.