На мінулым тыдні ў Мікашэвічах адбыўся пажар у адной з кватэр шматпавярхоўкі на вуліцы Маладзёжная.
Першым прыступіў да аказання дапамогі вадзіцель РУВП “Граніт” Мікалай Працук. Дзякуючы яго аператыўным дзеянням выратаваны гаспадары: інвалід І групы і яго непрацуючая жонка, а таксама іх сын Анатоль. Прыбыўшыя супрацоўнікі РАНС ліквідавалі ўзгаранне. Пашко-джана маёмасць і аддзелка ў кватэры. Мяркуемая прычына – курэнне сына ў стане алкагольнага ап’янення.