Мінулая пятніца адзначана жудасным здарэннем на 339 кіламетры аўтамагістралі  М-10 Кобрын–Гомель–мяжа РФ.

Пры выездзе з другаснай дарогі, якая вядзе на Рэдзігерава, сутыкнуліся “Жыгулі”, што належаць племстанцыі, і  “Аўдзі-100”, за рулём якой быў лунінчанін.

У выніку ДТЗ 33-гадовая жанчына-вадзіцель “Жыгулёў” загінула на месцы. Два пасажыры з абедзьвюх машын дастаўлены ў бальніцу.

Праверку па факту здарэння праводзіць раённае аддзяленне Следчага камітэта.