Традыцыйна лёгкаатлетычны сезон на Лунінеччыне адкрывае раённы крос. Каманды адукацыйных школ сабраліся ў сасновым бары, што побач з лунінецкай гімназіяй.

Першымі ў барацьбу ўступілі самыя маленькія ўдзельніцы – дзяўчынкі 2005-2006 гадоў нараджэння. Лепшы вынік з трох забегаў на 500-метроўцы паказала, як і летась, Лізавета Канапацкая з мікашэвіцкай СШ №1. Ва ўпартай барацьбе на фінішы яна абышла Дар’ю Кіслюк з Мікашэвіцкай гімназіі імя У. Нядзведскага. Трэцім прызёрам стала яшчэ адна прадстаўніца гэтай навучальнай установы – Вікторыя Танчынская. Хлопчыкі стартавалі на дыстанцыі 1000 метраў. Тут вызначыўся Дзяніс Шчатко з Вялікачучавіцкай СШ. Як прызнаўся сам пасля фінішу, ён шмат трэніруецца, прычым, самастойна. Чытыры разы на тыдзень удасканальвае вынослівасць, пераадольваючы доўгія дыстанцыі. Дзмітрый Гатчэня з СШ №1 г. Мікашэвічы – мінулагодні пераможца ў гэтай дысцыпліне – на гэты раз заняў другое месца, а яго калега па школе Ілья Крывулец фінішаваў трэцім.

У дзяўчат сярэдняй узроставай групы (2003-2004 гадоў нараджэння) на дыстанцыі 1000 метраў перамагла Святлана Чарняковіч з Любачынскай СШ. На другім і трэцім месцах размясціліся Анастасія Кавалевіч з Багданаўскай СШ і Софья Клімовіч з мікашэвіцкай СШ №2. У юнакоў першым фінішаваў Антон Верас з Дварэцкай СШ. На другую прыступку п’едэстала гонару падняўся Станіслаў Арашкевіч з лунінецкай СШ №3, на трэцюю – Аляксандр Кавалевіч з Багданаўскай СШ.

У старэйшай узроставай групе ў бегу на 2000 метраў па-за канкурэнцыяй была прадстаўніца мікашэвіцкай СШ №1 Валерыя Макаед:

– Упершыню стартавала на такой доўгай дыстанцыі. Не думала, што бу-дзе так цяжка, але вельмі задаволена, што змагла перамагчы.

Іна Емельяновіч з Любачынскай СШ паказала другі вынік, а трэцім прызёрам стала Дар’я Кіслюк з гімназіі імя У. Нядзведскага.

2 кіламетры ў юнакоў хутчэй за ўсіх пераадолеў выхаванец лунінецкай СШ №1 Міхаіл Буйніч. Сярэбранай узнагароды ўдастоены Дзмітрый Паповіч з мікашэвіцкай СШ №2, бронзавай – Арцём Бяляк з Вялуцкай СШ.

Па выніках гэтых спаборніцтваў сфарміравана каманда раёна, якая ў бліжэйшыя выхадныя выступіць на абласным кросе ў Кобрыне.