Спорт
«ТАНЦЫ» НА МАТАЦЫКЛАХ
парадуюць у пятніцу аматараў мотабола. На нашым мотадроме адбудзецца чарговы матч Цэнтральна-Еўрапейскай лігі паміж камандамі «Лунінец” і «Мілда” (Крэцінга, Літва). Пачатак у 18.00.
А ў перапынках не дадуць сумаваць прызёры чэмпіянату Усходняй Еўропы па стантрайдынгу Мікіта Падольскі, Віталь Пасевіч і Андрэй Луцкоў. Разнастайныя трукі на матацыклах у іх выкананні не пакінуць абыякавымі ні юных, ні дарослых гледачоў.
Запрашаем землякоў падтрымаць нашу каманду і атрымаць асалоду ад незвычайных выступленняў! Кошт білетаў: дарослы – 10 тысяч рублёў, дзіцячы – 5 тысяч.