Цікавыя футбольныя турніры для дзяцей ужо сталі традыцыйнымі на Лунінеччыне. Іх арганізатарам выступае РФСК “Здароўе”.
На гэты раз да нас у госці прыехалі юныя спартсмены з Жыткавіч і Слуцка.
Спаборніцтвы праходзілі на стадыёне “Палессе” на працягу 2 дзён. Юныя футбалісты Лунінецкай СДЮШАР 2008 года нараджэння (трэнер Уладзімір Юрцэвіч) сталі пераможцамі.У вырашальным паядынку яны ўзялі верх над аднагодкамі са Слуцка (2:1), якія занялі другое месца. Каманда “Лунінец-2009” (трэнер Аляксандр Пічыц) у заключным матчы буйна прайграла бронзаваму прызёру “ЮАС” (1:9) і размясціліся на 4-м радку турнірнай табліцы.