ЛАВІСЯ, РЫБКА,

вялікая і маленькая, акрамя вугра і сцерлядзі

21 мая заканчваюцца абмежаванні аматарскага і прамысловага рыбалоўства, устаноўленыя адпаведнымі Правіламі.

Аматарскае рыбалоўства ажыццяўляецца грамадзянамі Рэспублікі Беларусь, іншаземцамі і асобамі без грамадзянства за плату ці бясплатна. У рыбалоўных угоддзях, што складаюць фонд запасу, а таксама ў тых, што прадастаўлены ў арэнду без арганізацыі платных паслуг, яно таксама вядзецца бясплатна ў парадку агульнага карыстання. Можна лавіць усе віды рыбы, выключаючы вугар і сцерлядзь.

Рыбаловам дазваляецца выкарыстоўваць для аматарскага рыбалоўства нахлыстовыя, паплавочныя і донныя вуды ўсіх сістэм, спінінгі, кружкі, дарожкі, жарліцы, з агульнай колькасцю кручкоў не больш як 10 штук. Норма вылаву – не больш як 5 кілаграмаў рыбы на аднаго рыбалова ў суткі.

Забараняецца выкарыстанне жарліц (кружкоў, ставак, калабашак) без указання на іх прозвішча, ініцыялаў і адрасу ўладальніка, а таксама пакідаць устаноўленыя прылады рыбалоўства без нагляду. У выніку выяўлення апошніх яны прызнаюцца безгаспадарчымі і забіраюцца органамі рыбалоўнага кантролю.

Лоў рыбы на дарожку з судоў з рухавікамі дазволены на ўчастку ракі Прыпяць ад вусця р. Цна да вусця р. Смердзь (арандатар – УКП “Паляўніча-рыбалоўная гаспадарка “Лунінец”), за ўстаноўленую ім плату. У астатніх месцах інтэнсіўны спосаб лову рыбы забаронены.

Па ўзнікаючых пытаннях звяртайцеся на нумар “гарачай лініі” інспекцыі 3-64-61 кругласутачна. Тэлефон дзяржаўнай інспекцыі – 8-017-390-00-00.

Аляксандр ГРЫНЕВІЧ, намеснік начальніка Мікашэвіцкай міжраённай інспекцыі аховы жывёльнага і расліннага свету.

Показать больше

Похожие статьи

Кнопка «Наверх»
Закрыть
Закрыть