“МОЙ СВЕТЛЫ АПОШНІ ЗВАНОК…”
Пазаўчора ён прагучаў для 867 выпускнікоў Лунінеччыны.
З шчымлівым хваляваннем слухалі яго 89 адзінаццацікласнікаў ліцэя. Свята тут атрымалася асаблівым – сумнаватым і гумарыстычным, шчодра аздобленым дасціпнымі жартамі і шчырымі ў сваёй непасрэднасці вершамі. Здавалася, у яго ліцэісты пастараліся ўвасобіць увесь свой талент і артыстызм.
Выпускнікоў ліцэя віталі дырэктар Мікалай Паўловіч, галоўны рэдактар «Лунінецкіх навін” Таццяна Вайцяхоўская, член бацькоўскага камітэта Якім Соц, класныя кіраўнікі Ірына Грушэўская. Усе яны жадалі хлопцам і дзяўчатам, якія па традыцыі ў дзень апошняга званка развітваліся з ружовым дзяцінствам, настойлівасці, удачы і абавязковага дасягнення пастаўленай мэты.
Аб’ектыў фотаапарата спыніў некаторыя імгненні незвычайнага свята.
