“МЫ ЛЕПШ ДЛЯ ВАС СПЯЕМ…”

Народны ансамбль песні і музыкі "Шляхцічы”Лунінецкага ГДК удастоены звання "Калектыў года-2011” у сацыяльнай сферы.Напачатку іх было чацвёра. Вакальны квартэт першыярэпетыцыі правёў у 2006-ым, што і лічыцца годам стварэння калектыву. Паступованязменны мастацкі кіраўнік Генадзь Шэўчык прыцягваў да творчасці такіх жа здольныхі захопленых музыкантаў, каб усем разам забяспечыць поспех "Шляхцічаў”.У цудоўнай шасцёрцы толькі Аляксандр Канавальчукіграе на бас-гітары і не саліруе. Астатнія – у адпаведнасці з вакальна-харавымнапрамкам ансамбля – і спевакі, і музыканты. Генадзь Шэўчык выдатна валодаебаянам, Аляксандр Мірошкін – акардэонам, Ігар Мігалевіч – флейтай і жалейкамі,Леанід Яраховіч – шумавымі інструментамі, Сяргей Місікаў – ударнымі. Адметнасць "Шляхцічаў” – у вытрымліванні аўтарскагарэпертуару. На сёння ў мастацкай скарбонцы калектыву – 16 песень. У кожнага зсалістаў ёсць "свой” твор, які дазваляе раскрыць творчую індывідуальнасць,вызначаны стыль выканаўцы. Своеасаблівай візітоўкай ансамбль лічыць "Родныгорад мой” – песню, прысвечаную 560-годдзю Лунінца.Безумоўна, артыстаў сустракаюць па адзенню.Сцэнічныя касцюмы, створаныя "залатымі рукамі” майстрых Вулькаўскага 1 цэнтракультуры і народнай творчасці, дазваляюць "Шляхцічам” годна трымацца на любойсцэне. І дэманстраваць такі ўзровень майстэрства, што праводзяць выканаўцаў –авацыямі! Многія знакавыя мерапрыемствы лічаць за гонар уключыць у сваюпраграму выступленне таленавітых прадстаўнікоў Лунінеччыны. Асаблівай папулярнасцю карыстаюцца "Шляхцічы” ўродным краі. Іх віталі на шэрагу Пакроўскіх кірмашоў у Лунінцы (зузнагароджаннем ганаровымі граматамі), абласным конкурсе гарманістаў іпрыпевачнікаў (з адзначэннем Дыпломам-2010 за адраджэнне і папулярызацыюнацыянальных музычных традыцый), фестывалях-кірмашах "Дажынкі”: абласных – уСтоліне (2008), рэспубліканскіх – у Кобрыне (2010)."Шляхцічы” годна прадстаўлялі: раён – на афіцыйнымпрыёме дэлегацыі Казахстана ў Брэсце (2009), вобласць – на Міжнароднымфестывалі народнага мастацтва "Вянок дружбы” ў Бабруйску (2010) іРэспубліканскім святкаванні Дня беларускай пісьменнасці ў Ганцавічах (2011),краіну – на Першым фестывалі культуры "Прымацкія бяседы” ў Польшчы (2011). Паўсюднаадзначаны дыпломамі.Шырокую вядомасць усім артыстам прыносяць гастролі.Актыўна ўдзельнічаючы ў выязных канцэртах, "Шляхцічы” былі прызнаны лепшымсамадзейным калектывам-2009 аддзела культуры. А мінулы год стаў сапраўды зорнымдля ансамбля. Паведамленні аб яго выступленнях – добрая вестка для шматлікіхпрыхільнікаў. Быццам атрымалі "Шляхцічы” благаславенне са свайго першагатворчага вечару, які адбыўся 7 красавіка – у вялікае праваслаўнае святаДабравешчанне. У дадатак да вышэй названых канцэртаў, лунінецкія артысты станавілісясвоеасаблівым "падарункам” нашага раёна на святкаваннях Дня горада ў Жыткавічах(2011) і Століне (2012).На пытанне аб запаветнай мары кіраўнік адказаў:"Вялікая сцэна”. Згадзіцеся, пералік і малых пляцовак – дастатковапрадстаўнічы! Наогул жа Генадзь Фёдаравіч быў нешматслоўным, адзначыўшы: "Лепшпрыходзьце на канцэрты – і мы будзем спяваць…”.