“НАКРЫЛА” “ХВАЛЯ”

У мінулую суботу на стадыёне
“Палессе” адбыўся матч чарговага тура чэмпіянату краіны па футболе ў першай
лізе. “Граніт” прымаў пінскую “Хвалю”.

Перамога ў двух стартавых матчах прыцягнула на стадыён большую колькасць
балельшчыкаў. Што датычыць драматычных падзей, то іх было дастаткова, улічваючы
неаднаразовыя парушэнні гасцей у штрафной “гранітаўцаў”. Аднак, пенальці арбітр
так і не назначыў. Гульня пінскіх футбалістаў вызначалася грубасцю і
некарэктнасцю, аб чым сведчыць 7 жоўтых картак і адна чырвоная, якую “зарабіў”
Дзмітрый Тарашчык. “Граніт” шмат атакаваў, а вось поспеху дабіліся госці,
вынікова выкарыстаўшы стандартнае становішча. Гол пасля розыгрышу штрафнога на
73-й хвіліне забіў Уладзіслаў Касмынін. 0:1 – першае паражэнне “Граніта” ў
сезоне.

Заўтра, 12 мая, “Граніт” правядзе матч на выездзе са “Слуцкам”.

Міні-футбол

НА ФІНІШНЫМ АДРЭЗКУ

У Мікашэвічах “Граніт” прымаў
“Базар”.

Здаецца вынік гэтай гульні стаў вердыктам для лунінецкіх футбалістаў, якія,
хутчэй за ўсё, не змогуць у наступным сезоне выступаць у вышэйшай лізе. “Базар”
пацярпеў чарговае паражэнне з лікам 5:11.

У сераду ў Гомелі “Граніт” выйграў у “БТЭУ” з лікам 6:7, а “Базар” у дамашнім
матчы пацярпеў паражэнне ад “Ітранзішэн-БГУФК” – 3:10

Показать больше

Похожие статьи

Кнопка «Наверх»
Закрыть
Закрыть