ТУРНЭ ПРЫГАЖОСЦІ

Гарачая Іспанія, шумлівая Масква, далёкая Канада і рамантычная Італія… Жыхарам гэтых краін добра вядомы вырабы Марыі Бакуновіч і Алены Капліч з Сінкевіч. Дарагія падарункі, зробленыя таленавітымі жанчынамі, сталі для замежных сяброў і родзічаў пацвярджэннем высокага майстэрства вясковых рукадзельніц, іх бясцэннага вопыту, а таксама памяццю пра спрадвечныя беларускія традыцыі.
Зараз сяброўкі рыхтуюцца да любімага ў народзе свята – Уваскрасення Хрыстова. І пакуль у печы падыходзяць духмяныя кулічы, жанчыны распісваюць велікодныя яйкі разнастайнымі ўзорамі.