ЮБІЛЕЮ ПРЫСВЯЧАЕЦЦА

У Баранавічах падведзены вынікі творчых спаборніцтваў да 65-годдзя аддзялення. 

Удзельнікі фотаконкурсу “Гартаючы старонкі гісторыі” выдатна прадставілі станцыю Лунінец. У намінацыі “Лёс мой, чыгунка”, пераможцам прызнаны старшыня прафкама лакаматыўнага дэпо Аляксандр Матор. Яшчэ адзін прадстаўнік прадпрыемства – маляр Мікалай Бусько – заняў трэцяе месца, прадставіўшы фотаздымак “Мы разам кавалі перамогу”. У намінацыі “На дальняй станцыі сайду” другі вынік паказаў манцёр дыстанцыі пуці Аляксандр Клімчук.

У конкурсе песні “Табе спяваем, родная магістраль” Дыпломам і прызам адзначана вакальная група мужчынскага хору лакаматыўнага дэпо. Такія ж узнагароды атрымаў Дзмітрый Гарошка, які прадставіў Дом культуры чыгуначнікаў у намінацыі “Аўтарская песня”. Дададзім, што заключны канцэрт адкрываў народны калектыў – ансамбль “Прымакі”. У выкананні лунінецкіх спевакоў прагучаў новы твор, прысвечаны чыгунцы, музыку да якога напісаў Андрэй Канапацкі.

Показать больше

Похожие статьи

Кнопка «Наверх»
Закрыть
Закрыть