“ЗАГАД ДЗЯДУЛІ МАРОЗА”
Тэатралізаваную казку пад такой назвай падрыхтавалі вучні 8-11 класаў Лунінскай СШ.
Прэм’ера стала гожым аздабленнем навагодніх ранішнікаў, да якіх рыхтаваліся з асаблівым стараннем: святочнымі атрыбутамі былі ўпрыгожаны не толькі кабінеты, але і калідоры школы. Пазней дырэктар Сяргей Курак уручыў самым вынаходлівым салодкія прызы. Без іх, дарэчы, не засталося ніводнае дзіця. За гэта вучні выказваюць асаблівую ўдзячнасць старшыні мясцовага сельгаскааператыва «Лунінскі” Васілю Мелюху.
Анастасія БАГДАНЕЦ, вучаніца Лунінскай СШ.
