“За цябе, наша мова, замовім мы слова…”

"Калі мы хочам, каб нашу мову любілі і паважалі,дык давайце гаварыць і пісаць на ёй так, каб усім было хораша і зайздросна, кабкожнае слоўка зіхацела і пералівалася”.Максім ЛУЖАНІН.Чарговая сустрэча ветэранаў педагагічнай працыадбылася ў СШ №4 г. Лунінца і была прысвечана некалькім адметным датам лютага.У пэўным сэнсе гаспадыняй вечарыны была ГаннаМікітаўна Вайтовіч – адна з самых аўтарытэтных настаўніц роднай мовы. На ўсіхгасцей (сабралася каля 30-ці ветэранаў) яна напякла бліноў і частавала калег.Прыгадалі традыцыі Масленічнага тыдня, прыказкі народнага гуляння.Як вядома, у лютым адзначаецца (і не аднойчы) праваслаўныдзень Святой Валянціны. Павіншавалі імянінніц з днём анёла, а падарункі кожнаму(пано с цеста) падрыхтавала разам з нявесткай Ірына Уладзіміраўна Пахолак –бібліятэкар СШ №1 г. Лунінца.Адначаючы Міжнародны дзень роднай мовы, выказалісваю заклапочанасць звужэннем сферы яе ўжывання. Гучалі вершы паэтаў, якіяўвасаблялі свой боль аб заняпадзе беларускай мовы. Са сваімі паэтычнымі іпразаічнымі творамі выступіў Сцяпан Паўлавіч Нефідовіч – былы настаўнікЛюбанскай СШ. Разам спявалі народныя і сучасныя беларускія песні. Запаветамшанаваць і зберагаць нацыянальную адметнасць успрымаўся запіс песні "Мой родныкут” у выкананні незгасальнай лунінецкай зоркі Наталлі Іванаўны Мурко…Звяртаемся да ўсіх лунінчан, якіх хвалюе станбеларускай мовы, дзень 21 лютага (і не толькі адзін) прысвячаць роднаму слову.Асабліва актуальны наш заклік у Год кнігі. Са спадзяваннямі глядзім навыхавальнікаў дзіцячых садкоў, настаўнікаў-беларусазнаўцаў, работнікаў школьныхі грамадскіх бібліятэк, мясцовых творцаў – літаратараў і мастакоў. Давайцевыхоўваць патрыётаў Беларусі на самай грунтоўнай падставе – "спачатку былослова”.Наталля КАЗАНКОВА, старшыня раённага саветаветэранаў педагагічнай працы.