“Дзень рыбака” пройдзе заўтра, 24 жніўня, на Прыпяці ў раёне пляжа.

Да ўдзелу ў спаборніцтвах дапускаюцца ўсе жадаючыя ва ўзросце да 31 года. Тыя, каму менш як васемнаццаць, павінны прыбыць у суправаджэнні дарослых. Спаборніцтвы праводзяцца ў адзін этап працягласцю 6 гадзін. Пры лоўлі дазваляецца выкарыстоўваць дзве вуды, акрамя спінінгаў, са снасцямі любой канструкцыі, любыя прынады, насадкі і прыкормкі.

З 10 да 11 гадзін будзе праводзіцца рэгістрацыя ўдзельнікаў, пасля 17.00 – падвядзенне вынікаў. Пераможцаў вызначаць за найбольшы ўлоў па колькасці і па вазе, за самую вялікую і маленькую рыбіны.