Пабываўшы на возеры Белае, вядома ж не маглі не пацікавіцца, як захоўваюцца тут патрабаванні правілаў паводзін у рэспубліканскім заказніку. Па прычыне пахаладання на ўзбярэжжы было разгорнута ўсяго некалькі палатак асабліва загартаваных адпачываючых. Навокал адносна чыста.

Уезд на тэрыторыю, дзе размешчаны домікі, што належаць некалькім  арганізацыям раёна, закрыты. На варотах – кодавы замок, уражанне ад якога ўзмацняе забараняючы знак. Аднак побач металічны пралёт у агароджы адсутнічае. Утаптаныя ў зямлю цагліны і паўзламаны хмызок сведчаць пра тое, што для асобных аўтамабіляў непераадольных перашкод не існуе…