На Стары Новы год нашы продкі збіраліся ўсёй сям’ёй, каб адзначыць самае галоўнае і ўрачыстае свята – Каляды. Беларускія традыцыі прайшлі праз стагоддзі і захаваліся да нашых дзён, у некаторых мястэчках краіны яны і дагэтуль развіваюцца і ўзбагачаюцца. Лунінеччына – не выключэнне.

13 студзеня ў госці ў рэдакцыю раённай газеты завіталі ўдзельнікі танцавальнага калектыву “Васількі” Дома культуры чыгуначнікаў. Выхаванцы Вольгі Мікіцюк павіншавалі работнікаў “Лунінецкіх навін” са святамі, парадавалі прыгожымі касцюмамі і калядкамі.