Навучэнцы сельгаскаледжа не па чутках ведаюць пра дзейнасць грамадскіх аб’яднанняў “Белая Русь” і БРСМ. Таму калі даведаліся аб правядзенні рамонту, з радасцю згадзіліся дапамагчы.

На працягу двух тыдняў тынкоўшчыкі-маляры Ала Буневіч, Марына Брэзіна, Ілья Несцераў, Анатоль Ярмоліч, а таксама плітачнікі Мікалай Нагорны, Міхаіл Буневіч, Аляксандр Шэляговіч і Сяргей Федаровіч працуюць у офісах раённых арганізацый. Пад кіраўніцтвам майстроў тэхнічнага навучання Таццяны Федаровіч і Алены Панасюк хлопцы і дзяўчаты пафарбавалі сцены, дзвярныя і аконныя блокі, пашпаклявалі столь, абліцавалі лесвічную пляцоўку.

Кіраўнікі арганізацый Людміла Казадаева і Юлія Шчур выказваюць словы ўдзячнасці за фундатарскую дапамогу кіраўнікам станцыі Лунінец, ЖКГ, бюро рэгістрацыі і тэхнічнай інвентарызацыі, сельгаскаледжа.