НАРАДЗІЎСЯ Ў САРОЧЦЫ

У нядзелю з чацвёртага паверха дома №119 па вуліцы Чырвоная ў Лунінцы выпаў 6-гадовы хлопчык.

Як высветлілася, айчым не адпусціў Мікіту Градава гуляць, таму выхад на вуліцу ён знайшоў праз акно…

Прыехаўшая па выкліку “Хуткая дапамога” даставіла хлопчыка ў прыёмны пакой цэнтральнай раённай бальніцы. Абследаваўшы яго, хірургі не выявілі сур’ёзных пакалечанняў. Аднак, каб упэўніцца ў гэтым, накіравалі ў Пінск. Камп’ютэрнае абследаванне пацвердзіла: жыццю Мікіты нішто не пагражае.