ПАЖАРАНЕБЯСПЕЧНЫ ПЕРЫЯД

У сакавіку раённым выканаўчым камітэтам прынята распараджэнне “Аб прафілактычных супрацьпажарных мерапрыемствах і недапушчэнні выпальвання сухой расліннасці ў вясенне-летні перыяд”.

Згодна з ім на тэрыторыі раёна забараняецца выпальванне сухой травы, правядзенне сельскагаспадарчых палаў, развядзенне кастроў на прысядзібных участках і ў межах населеных пунктаў. Раённым аддзелам унутраных спраў і надзвычайных сітуацый, ДЛГУ “Лунінецкі лясгас”, інспекцыі прыродных рэсурсаў і аховы навакольнага асяроддзя даручана забяспечыць выкананне службовымі асобамі і грамадзянамі распараджэння. Парушальнікі будуць прыцягвацца да адміністрацыйнай адказнасці.

Памятайце, што выпальванне расліннасці і смецця не толькі стварае пажаранебяспесную сітуацыю, але і наносіць шкоду экалогіі і здароўю. Пры задымленасці аўтамабільных дарог, асабліва ў сумеркі, пагаршаецца бачнасць, а значыць, узрастае аварыйнасць.

Перш, чым паліць смецце і траву, падумайце аб здароўі блізкіх, якія так, як і вы, жывуць у зоне радыеактыўнага забруджвання.