Общество

Папрацуем у суботу

Згодна з пастановай Савета Міністраў Рэспублікі Беларусь і рашэннем райвыканкама, 22 красавіка пройдзе рэспубліканскі суботнік.

Прыняць удзел у ім можна як на працоўных месцах, так і на добраўпарадкаванні і прывядзенні ў належны стан тэрыторый населеных пунктаў, гісторыка-культурных каштоўнасцей, пахаванняў часоў Вялікай Айчыннай вайны, падрыхтоўцы дзіцячых аздараўленчых і спартыўна-аздараўленчых лагераў да летняга сезону.

Запланавана пасадзіць дрэвы на пустцы каля стаматалагічнай паліклінікі, прыбраць тэрыторыю лагера “Спадарожнік” і ўзбярэжжа возера Белае, зону адпачынку на Баханова, меліярацыйныя каналы да Віра ўздоўж чыгункі, па вуліцах Гогаля і Лугавая, навесці парадак на вуліцах Меліярацыйная, Трошына, Давыдава, Гомельская і іншых месцах.

Кіраўнікі прадпрыемстваў, арганізацый і ўстаноў павінны забяспечыць актыўны ўдзел працоўных калектываў у суботніку. Аб выніках правядзення неабходна інфармаваць аддзел эканомікі райвыканкама да 12.00 22 красавіка і органы статыстыкі – у першы працоўны дзень пасля яго правядзення.

Грашовыя сродкі,  заробленыя на суботніку, неабходна пералічыць на разліковы рахунак райвыканкама №3641000019140, ЦБП №119 філіяла №121 ААТ “АСБ “Беларусбанк”, код 854, УНП 200161935.

Теги
Показать больше

Похожие статьи

Кнопка «Наверх»
Закрыть
Закрыть