СПЕЦЫЯЛІСТЫ ПАТРАБУЮЦЦА?

Здаецца яшчэ шмат часу да заканчэння вучэбнага года, але ўжо зараз многія выпускнікі задумваюцца, куды пайсці вучыцца, каб у далейшым абраная прафесія была запатрабаванай.
Улічваючы, што навучанне далёка ад дому абыходзіцца для сямейнага бюджэту дорага, многія з бацькоў былі б рады, калі б дыпломы іх дзеці атрымлівалі ў родным горадзе. Наколькі гэта рэальна? Якія спецыяльнасці зараз запатрабаваны? Якія рэформы і пераўтварэнні чакаюцца ў прафтэхнавучанні? Гэтыя і іншыя пытанні будуць абмяркоўваць падчас «круглага стала” дырэктары ўстаноў прафтэхнавучання, кіраўнікі прамысловых і сельскагаспадарчых прадпрыемстваў раёна.
Запрашаем чытачоў «ЛН” далучыцца да дыялогу і дасылаць свае пытанні на адрас рэдакцыі: г. Лунінец, пл. Леніна, 12, або па тэл. 2-24-41.