– Люшчанскі клуб знаходзіц-ца на балансе ААТ “Лунінецлес”. І толькі гаспадар, у дадзеным выпадку канцэрн “Беллесбумпрам”, управе вырашаць яго лёс. Як паведаміла генеральны дырэктар ААТ “Лунінецлес” А.В. Шумайлава, рашэнне аб зносе будынка клуба 1952 года пабудовы, сапраўды прынята.

– “Зрэдку” і “абы-як” – такая работа задаволіць не можа. Калі гэта ўстанова культуры, то яна павінна працаваць у адпаведнасці з усімі патрабаваннямі. А для гэтага, перш-наперш, яе трэба прывесці ў належны выгляд і стан. Будынак стары, аварыйны і ўкладваць у яго сродкі немэтазгодна. А раёну ён у такім выглядзе непатрэбен. Між тым, без святаў і арганізаванага культурнага адпачынку жыхары Люшчы не застануцца. У будынку мясцовай яслі-сад-базавай школы будзе адкрыта бібліятэка-клуб. 

– У Люшчанскай яслі-сад-базавай школе здолелі памяняць сантэхніку і адрамантаваць дваровую каналізацыю. У 2014 го-дзе плануем прадоўжыць рамонт сантэхнічных збудаванняў і выканаць у памяшканнях касметычны рамонт.

– У 2010 годзе пастановай Савета Міністраў Рэспублікі Беларусь зацверджана Дзяржаўная праграма “Інжынерныя водагаспадарчыя мерапрыемствы па абароне населеных пунктаў і сельскагаспадарчых земляў ад паводак у найбольш паводканебяспечных раёнах Палесся на 2011-2015 гг.”. У пераліку аб’ектаў пад п.30 значыцца “Інжынерныя мерапрыемствы па абароне ад паводкі сельскагаспадарчых земляў аб’екта “Люшча” і в. Люшча”.  Ахопяць яны прыкладна 620 гектараў, у тым ліку 21 гектар земляў населенага пункта.

– Іх рамонтнае прафіляванне праводзіцца прыкладна 1 раз у месяц ці, пры неабходнасці, часцей. Як і штогод, пры наступленні спрыяльных умоў надвор’я будзе выкананы ямкавы рамонт. Асфальтаванне вуліц у Люшчы праграмай 2013 года не прадугледжана. 

– Як паведамілі ў аўтапарку, на маршруце “Лунінец–Чучавічы” задзейнічаны аўтобусы найбольшай умяшчальнасці. Разам з тым, аналіз работы гэтага накірунку паказвае, што пасажырапаток тут не такі і насычаны, загрузка аўтобусаў далёка не поў-ная. Разам з тым, пры існуючай стратнасці пасажырскіх перавозак і з улікам наяўнасці транспарту, адкрываць дадатковыя маршруты не толькі на гэтым, але і іншых напрамках пакуль не плануецца.

– Гэта ваша права. Але, заўважце, што і там не будуць разглядаць іск, калі не прадаставіце адпаведных дакументаў – дзяржаўнага акта на зямлю і пасведчання аб дзяржаўнай рэгістрацыі стварэння зямельнага ўчастка. А іх, паведамілі ў землеўпарадкавальнай службе, у вас няма. Пасля іх вырабу трэба ўсё-такі па ўсіх правілах звярнуцца ў гарвыканкам, які і павінен прыняць меры па забеспячэнню аднаўлення парушаных правоў, калі гэта будзе ўстаноўлена. 

– Пасажырапаток у суботу не менш напружаны, чым у пятніцу, а таму ўносіць змяненні, якія таксама выклічуць незадаволенасць пэўнай часткі жыхароў, не зусім мэтазгодна. Тым больш, што з Бастыні ў Велуту ўвечары можна дабрацца на маршруце “Лунінец–Чучавічы”, што адпраўляецца з райцэнтра ў 17-25. Але ж узнятую вамі праблему не пакінем без увагі. Пасля дасканалага аналізу сітуацыі прымем канчатковае рашэнне.

– Старшыня сельвыканкама атрымае адпаведнае даручэнне.

Ужо на наступны дзень (22.12.2012г. – рэд.) па заяўцы старшыні Бастынскага сельвыканкама Ф.М. Рашэцкага спецыялістамі раёна электрасетак было адрамантавана асвятленне на вуліцах Булічы, Заброддзе і Перавязаніца. Дадаткова ўстаноўлены 1 ліхтар на вуліцы Булічы (47 дамоў, 6 ліхтароў), і 1 – на Заброддзі (11 дамоў, 3 ліхтары). На вуліцы Перавязаніца па вечарах гараць 2 ліхтары на 14 дамоў.

– Вы павінны зразумець, што у першую чаргу аўтобусныя маршруты ладзяцца там, дзе няма чыгункі. Праз Ракітна праходзяць сталёвыя магістралі, тут ёсць прыпыначны пункт, на якім 6 разоў у дзень у кожным напрамку спыняюцца цягнікі. Згодна з патрабаваннямі сацыяльных стандартаў, транспартнае абслугоўванне гэтай вёскі выконваецца на 100 працэнтаў.

– Значыць, не такая багатая наша раённая газета.

– Гэта будзе не зусім пра-вільна: кожны павінен жыць па сродках. Тым больш, што “Лунінецкія навіны” інвалідаў без увагі не пакідаюць: усе аб’явы, віншаванні, падзякі, спачуванні на старонках раёнкі ад гэтай катэгорыі грамадзян друкуюцца бясплатна. 

– На жаль, у аўтапарку №10 не хапае рухомага саставу для таго, каб адкрыць новы маршрут. У Лунінцы ўжо ёсць свая ўсталяваўшаяся сетка руху гарадскіх аўтобусаў, і любое змяненне ў графіку, вядома ж выкліча нараканні іншых пасажыраў. Але ж горад наш параўнаўча невялікі. Да прыпынку “Універсам” з пасёлка Сельгастэхніка можна даехаць на гарадскіх аўтобусах №№ 1, 2, 5. Калі няма жадання пехатой прайсці да “Дэльфіна”, можна перасесці на маршруты №№ 4 і 6. Падрабязны расклад руху гарадскіх аўтобусаў, каб вы маглі дакладна па часе вызначыцца з паездкай, будзе надрукаваны ў “Лунінецкіх навінах” у бліжэйшых нумарах.

– Справа ў тым, што прыпынкі насамрэч прыстасаваныя. У гэтых месцах проста няма магчымасці устанавіць навес: ён будзе перашкаджаць руху пешаходаў. Ды і сапсуе выгляд вуліцы. Таму давядзецца задавольвацца тым, што ёсць.

– Як растлумачыў дырэктар жыллёва-камунальнай гаспадаркі В.М. Вакульчык, на Лунінеччыне дзейнічае тарыф, зацверджаны аблвыканкамам у кастрычніку 2012 года. Згодна з ім, на 1 чалавека гэты тарыф – 2 540 рублёў. У сувязі з тым, што ў вашым доме прапісана 2 чалавекі, сума аплаты за вываз адходаў складае 5 080 рублёў.

– Згодна з актам абследавання, дах на названым доме знаходзіцца ў здавальняючым стане, а таму капітальны рамонт яго не запланаваны.