На наступным тыдні чарговы парад казачных персанажаў адбудзецца ў Мікашэвічах.
Галоўныя чараўнікі і героі навагодніх святаў (у іх ролях выступяць работнікі розных падраздзяленняў РУВП “Граніт”) пройдуць урачыстым строем па вуліцы Першамайская да Палаца культуры. Менавіта тут разгорнецца галоўная конкурсна-забаўляльная праграма.
А пакуль юныя і не толькі жыхары маладога горада атрымліваюць асалоду ад 14-метровай штучнай прыгажуні, якая ўстаноўлена ў цэнтры. Такі незвычайны падарунак маладому гораду зрабіў “Граніт”.