За веснавой плоткай
Общество

За веснавой плоткай

лыбаЛоўля гэтага віду рыбы заўсёды дастаўляе нямала прыемных хвілін. Для паспяховай рыбалкі яе шукаюць як на мелкаводдзях, так і на глыбіні звыш як 3 метры. Складаемыя ўдачы – умелае прыкормліванне аблюбаваных месцаў, тонкая і збалансаваная аснастка, запамінанне рэльефу ракі і яго змяненняў.
Нярэдка плотка займае самыя глыбокія ўчасткі вадаёма. Сюды яе прыцягвае як спрыяльны тэмпературны рэжым, так і невялікае цячэнне, якое вымывае донны корм.
Важным атрыбутам рыбалова з’яўляюцца кармушкі, якімі прыкормліваюць месца лоўлі. Састаў просты – молатыя сухары і семачкі сланечніка, кукуруза і нават сухое малако. У якасці араматызатара многія з поспехам прымяняюць ванілін. Галоўнае – правільна зрабіць замешванне інгрэдыентаў. Прынада не павінна ляжаць на дне, а працаваць, прыцягваючы тым самым рыбу. Лепш за ўсё гэтае “смакоцце” сфарміраваць у невялікія шарыкі. Як толькі паклёўкі пачаліся, тэмп прыкормлівання можна павялічваць ці наадварот – памяншаць.
Калі клёў слабы, але рэгулярны, некаторы час можна наогул адмовіцца ад прыкормак. Лепш праэксперыменціраваць з прынадай на кручку. Матыль, апарыш, вадкае цеста, параная пярлоўка, макароны-“зорачкі” – вось выбар меню для плоткі. Традыцыйна матыля выкарыстоў-ваюць тыя рыбаловы, якія аблюбавалі месцы ў вярхоўях водасховішчаў. Тут на глыбіні ў 1,5 метра можна выкарыстоўваць раслінныя прынады.
Зусім іншая лоўля пачынаецца з заканчэннем каляндарнай зімы. Быццам прадчуваючы веснавое цяпло, рыба пачынае актыўна рухацца і выходзіць карміцца на ўзвышшы сярод глыбінь. Менавіта на такіх “горках” з травяністым дном і разгортваюцца асноўныя падзеі. Клёў буйной плоткі лепш назіраецца ў пахмурнае, крыху ветранае, надвор’е з невялікім дожджыкам як на досвітку, так і з надыходам вячэрняга змроку.

 

ЦІКАВА ВЕДАЦЬ
Для кожнага віду рыбы ёсць свой класічны спосаб прыгатавання, заснаваны на традыцыях і вопыце. Для гэтага трэба выкарыстоўваць тры галоўныя правілы: пачысціць, падкісліць, пасаліць. Лепш чысціць ад хваста да галавы, падкісляць сухім віном, лімонам ці воцатам. Пасля варта пакласці ў сухі посуд і некаторы час патрымаць у халадзільніку. Рыба стане больш сакавітай і прыемнай па паху.
Буйную рачную і азёрную рыбу (акрамя шчупака) лепш запякаць цэлай. Яе можна пакінуць з луской, паколькі яна замяняе фольгу. Трэба толькі выкінуць унутранасці і прамыць.
Солячы рыбу для вэнджання, не дапускайце выдзялення соку, бо яна стане сухой.
У час прыгатавання той ці іншай стравы, ведайце: рыба вельмі любіць кроп, лімон, цыбулю, чорны перац, воцат, расол агуркоў.
Што найбольш смачна на свежым паветры каля полымя вогнішча з падвешаным над ім кацялком, у якім булькае толькі што вылаўленая з ракі рыба? Вядома ж,
ЮШКА З АКУНЁЎ.
Для яе спатрэбіцца 1 кг рыбы, бульба, лаўровы ліст, гарошынкі чорнага перцу, морква, цыбуля, сельдэрэй, соль.
Рыбу пачысціць, выдаліць жабры і плаўнікі, зняць луску. Заліць вадой, пакласці прыправы, цэлыя моркву і цыбулю. Давесці да кіпення. Бульбу нарэзаць кубікамі. Варыць 20 хвілін, пасаліць па смаку. Падаваць з зяленівам.



Кнопка «Наверх»
Закрыть
Закрыть