Здоровье
ХВАРОБЫ ПАЯЎЛЯЮЦЦА З ЛІШНІМІ “КІЛО”
Дрэннае харчаванне, недастатковая фізічная актыўнасць і выкліканая імі лішняя вага з’яўляюцца крыніцай немачы і нават заўчаснай смяротнасці. Атлусценне павышае рызыку развіцця сардэчна-сасудзістых і некаторых злаякасных хвароб, а таксама цукровага дыябету 2 тыпу.
Галоўныя прынцыпы правільнага харчавання, сфармуляваныя экспертамі Сусветнай арганізацыі аховы здароўя:
– выкарыстоўваць ежу, аснову якой складаюць прадукты, галоўным чынам, расліннага паходжання;
– уводзіць у свой рацыён садавіну і агародніну, лепш мясцовага паходжання;
– замяняць тлустае мяса фасоляй, бабамі, рыбай;
– ужываць малако і малочныя прадукты з нізкім працэнтам тлустасці;
– старацца гатаваць на пары;
– падтрымліваць масу цела ў рэкамендуемай мяжы пры дапамозе фізічных нагрузак.
Людміла МАРОЗ, загадчыца аддзела гігіены РЦГіЭ.
