Спорт

АБ ЗАДАЧАХ І СТРАТЭГІЧНЫХ МЭТАХ РАЗВІЦЦЯ БЕЛАРУСКАГА ГРАМАДСТВА

ішла размова падчас адзінага дня інфармавання.

Інфармацыйна-прапагандысцкія групы райвыканкама сустрэліся з працоўнымі калектывамі хлебазавода, ПМК-7, рамонтна-механічнага завода, прафесійна-тэхнічнага каледжа сельскагаспадарчай вытворчасці і Вялуцкай СШ.

Выступаючыя прыгадалі пасланне Прэзідэнта Рэспублікі Беларусь А.Р. Лукашэнкі беларускаму народу і Нацыянальнаму Сходу Рэспублікі Беларусь, а таксама вынікі дзейнасці раёна па выкананню задач эканамічнага развіцця, падтрыманні ўзроўню і якасці жыцця лунінчан, правядзенні мерапрыемстваў у рамках Года роднай зямлі.

Так, у прыватнасці, адзначалася, што за 4 месяцы гэтага года паказчык росту прадукцыі прамысловасці склаў 97, 4 працэнта, у сельскагаспадарчых арганізацыях – 107,8, вытворчасць спажывецкіх тавараў – 108,8 працэнта.

Важная ўвага надаецца падтрымцы прадпрымальніцкай дзейнасці. Зараз на Лунінеччыне дзейнічаюць 123 малыя прадпрыемствы. З пачатку года колькасць індывідуальных прадпрымальнікаў павялічылася на 120 чалавек, іх на сённяшні дзень налічваецца 1350.

Нягледзячы на тое, што ў сувязі з сусветным крызісам зменшыліся знешнія рынкі збыту, у Беларусі не дапушчана масавага беспрацоўя. Сярэдні ўзровень па краіне не перавышае 1 працэнта, у Лунінцы – 0,8, у Мікашэвічах – 1,8.

Важным фактарам у паляпшэнні дэмаграфічнай сітуацыі з’яўляюцца адносіны грамадзян да здаровага ладу жыцця. Узвядзенне спартыўных аб’ектаў разглядаецца як уклад у здароўе нацыі. Летась пачалі функцыянаваць велатрэк і тэнісныя манежы ў Мінску, лядовыя арэны ў Бабруйску, Бярозе і Сілічах, лёгкаатлетычны комплекс у Брэсце, а 10 мая гэтага года ў Лунінцы адбылося ўрачыстае адкрыццё рэканструяванага стадыёна “Палессе”.

Адной з ключавых задач сацыяльна-эканамічнага развіцця краіны з’яўляецца зберажэнне і прымнажэнне нацыянальнай, духоўнай і культурнай спадчыны народа, прыроднага багацця і выхаванне ў маладога пакалення любові да роднай зямлі. У сувязі з гэтым у нашым раёне распрацаваны комплекс мерапрыемстваў па добраўпарадкаванню і развіццю інфраструктуры жылых тэрыторый і транспартных сетак, рацыяналізацыі выкарыстання рэсурсаў ляснога фонду, захаванню прыродных комплексаў і аб’ектаў ахоўваемых прыродных тэрыторый.

Наш шлях – гэта прагрэсіўнае эвалюцыйнае развіццё, якое накіравана на забеспячэнне годнага жыцця і дабрабыту кожнага чалавека.


Показать больше

Похожие статьи

Кнопка «Наверх»
Закрыть
Закрыть