Спорт

АПОШНЯЕ ВЫПРАБАВАННЕ ПЕРАД АДКАЗНЫМ СТАРТАМ

Лёгкая атлетыка

 

Спаборніцтвы па лёгкай атлетыцы на прызы Рэспубліканскага цэнтра алімпійскай падрыхтоўкі сталі апошняй “прыкідкай” перад чэмпіянатам свету.

У Мінск з’ехаліся не толькі беларускія спартсмены, але і прадстаўнікі Латвіі і Турцыі. У бегу на адзін круг выступілі ўдзельніцы эстафетнай каманды 4х400 метраў. Рыхтуючыся да планетарнага форуму ўсе спартсменкі паказалі высокія вынікі, у тым ліку і наша зямлячка Ірына Хлюстава (52,96 секунды). Яна вельмі задаволена, што здолела выйсці на такі вынік, адчувае сябе выдатна і не падвядзе каманду ў адказным старце.

 

Міні-футбол

НА П’ЕДЭСТАЛЕ – “ГРАНІТ”

У выхадныя ў Мінску фінішаваў VІ турнір памяці заслужанага трэнера Беларусі Анатоля Ягорава, у якім браў удзел мікашэвіцкі “Граніт”.

Нягледзячы на тое, што ў стартавым матчы нашы землякі саступілі “Дарожніку” – 1:3, у паядынку з “ВітЭнам” здолелі прадэманстраваць свае лепшыя якасці і перамагчы з лікам 5:3. Такім чынам, “гранітаўцы” занялі ў сваёй групе другое месца, што дало шанц пазмагацца за ўзнагароды. У барацьбе за трэцяе месца іх сапернікам выступіў светлагорскі “ЦКК”. Напружанасць захоўвалася да фінальнай сірэны. На апошняй хвіліне было забіта два мячы. І ўсё ж, удача была на баку мікашэвіцкіх футбалістаў – 3:2. Галы забілі Шаўчэнка, Скакалкін і Кіслюк.

“Граніт” у чацвёрты раз стаў прызёрам Мемарыяла Ягорава: двойчы была другой і цяпер двойчы – трэцяй. Перамогу святкаваў “МАПІД”.

 

РЭЗЕРВІСТЫ ПАЗНАЁМІЛІСЯ З НАВІЧКОМ

Скарыстаўшыся свабодным днём у календары турніра, мікашэвіцкі “Граніт” вырашыў даць магчымасць праявіць сябе рэзервістам.

Другі склад каманды ў мінулую суботу правёў кантрольны паядынак з дэбютантам вышэйшай лігі – баранавіцкім “Гаспадаром”. Матч праходзіў у фармаце: 2 таймы па 30 хвілін “гразнага” часу. Навічок эліты перамог з мінімальнай перавагай – 1:0.

 

Футбол

УДАЛЫ ПАЧЫН ДРУГОГА КРУГА

Паступова “Граніт” падцягваецца да лідзіруючай групы.

Пасля двухтыднёвых канікул мікашэвіцкія футбалісты правялі гульню чарговага тура чэмпіянату краіны па футболе ў першай лізе ў Полацку, дзе перайгралі аднайменны клуб. Прычым, пераможны гол нашы землякі забілі на 5-й хвіліне. Зрабіў гэта Якубовіч. “Вікторыя” дазволіла “гранітаўцам” перамясціцца з 10-га на 7-ы радок турнірнай табліцы.

У суботу, 20 жніўня, на стадыёне “Палессе” “Граніт” будзе прымаць “Славію-Мазыр”. Пачатак у 18.00. Білеты можна набыць у дзень гульні ў касе з 15 гадзін.

 

Мотабол

ЛЁГКАЯ ПЕРАМОГА І ГОРКАЕ ПАРАЖЭННЕ

Два матчы на сваім полі правялі мотабалісты “Лунінца”.

Сустрэча з пінскім “Аўтамабілістам” паказала, што каманда – гэта не адзін ігрок. Нашы ігракі без праблем перайгралі саперніка – 6:1. Галы забівалі Аляксандр Бабіч – 2, Мікалай Бойка – 2, Алег Ісаеў і Анатоль Багданец. У матчы з украінскім “Усходам” усё пайшло па-іншаму. Лік у гульні адкрылі госці, і трымалі перавагу да трэцяга перыяду, пакуль Анатоль Багданец удала рэалізаваў пенальці. Аднак, за 10 хвілін да заканчэння матча лунінчанам давялося гуляць утраіх, чым скарысталіся мотабалісты “Усхода”. Вынік – першае паражэнне ў Адкрытым Чэмпіянаце 2011 года – 2:3. Акрамя Анатоля Багданца гол забіў малады ігрок Сяргей Казун.

“Лунінцу” прадстаіць яшчэ дзе сустрэчы на выездзе – з “Азотам” і “Зарой”, а таксама дамашняя гульня з “Юнацтвам”.

Показать больше

Похожие статьи

Кнопка «Наверх»
Закрыть
Закрыть