ДА НОВАГА СЕЗОНА

 

У мінулую суботу на гарадскім стадыёне «Палессе” адбылася таварыская гульня з камандай «Баранавічы”, у якой лепшымі былі мікашэвіцкія футбалісты – 2:0.

 

Пасля чатырох згуляных тураў па тры перамогі запісалі на свой рахунак «Беларусбанк”, «Гудкі”, «ДРБУ-101 і сельскагаспадарчы каледж”. Крыху адстае «Граніт”, які мае ў актыве дзве перамогі і два паражэння і захоўвае шанцы на пападанне ў плэй-оф. Пакуль не маюць ачкоў «СШ №1” і «Работнічкі”.

 

У васьмёрку лепшых трапілі каманды ліцэя, Бастынскай, Дварэцкай, Вулькаўскай 2, Дзятлавіцкай, Любачынскай, Лобчанскай і Багданаўскай СШ. У наступную суботу, 9 красавіка, яны павядуць барацьбу за п’едыстал.

 

Балельшчыкі «Базара”, засумаваўшыя па выніковай гульні сваёй каманды, урэшчце змаглі парадавацца за яе.

Гуляючы на выездзе з бярозаўскім «Камунальнікам”, лунічане выйгралі з лікам 7:3. Нягледзячы на тое, што гаспадары першымі адкрылі лік і павялі 2:0, намаганнямі нашых футбалістаў Юрцэвіча, Бандарука, Наварыча і Рапецкага здолелі спачатку зраўняць лік, потым выйсці наперад. У гэтым двойчы вызначыўся Юрцэвіч, а Бандарук зрабіў «хэт-трык”. Такім чынам, трое прадстаўнікоў «Базара” (акрамя названых яшчэ Міхальчанка) маюць у сваім актыве па 14 мячоў і ўваходзяць у 20 лепшых бамабардзіраў краіны.

А вось «Граніту” ў Гомелі не пашанцавала. Спачатку мяч рэкашэтам адскочыў ад Шаўчэнкі і трапіў ва ўласныя вароты. Потым гаспадары яшчэ двойчы дабіваліся поспеху, а ў адказ прапусцілі адзін мяч, які забіў Шылоўскі. Наступную гульню за 5-ае папярэджанне прапусціць гуляючы трэнер Аляксей Шаўчэнка.