ДРУГАЯ “ВІКТОРЫЯ”

 

На базе гэтай навучальнай усановы сабраліся 8 мацнейшых каманд Брэстчыны. У фінальным паядынку за першае месца гаспадары без асаблівай складанасці перамаглі баскетбалістаў са Століна з лікам 74:37. Бронзавым прызёрам сталі юнакі Белаазёрскага ГПТКЭ.

За нашу каманду выступалі Сяргей Караваевіч, Андрэй Канановіч, Андрэй Каховіч, Аляксандр Жук, Максім Шадзько, Генадзь Калешка, Ягор Лукша, Віталь Удовін, Максім Алейнік (на здымку).

– Мы шчаслівыя, што зноў дабіліся поспеху. Шмат трэніраваліся, таму выпадковай нашу перамогу нельга назваць. Да таго ж, нам спрыяла ўдача. Мы вельмі хацелі выйграць і дасягнулі пастаўленай мэты. Вялікі дзякуй дырэктару Фёдару Аляксеевічу Бірылу за новую форму. Вельмі прыемна, што ў нашым каледжы столькі ўвагі надаецца спорту.

 

У сямібор’і за нашу краіну выступалі Андрэй Краўчанка і наш зямляк Эдуард Міхан. Пакуль Эдуард не выйшаў на пік сваёй формы і застаецца крыху ў цені свайго больш тытулаванага калегу па камандзе. Андрэй роўна выступіў ва ўсіх дысцыплінах і стаў чэмпіёнам. Ураджэнец Лунінца ўстанавіў асабісты рэкорд у бегу на 1000 метраў – 2:37.51, паказаў лепшы вынік у сезоне ў скачках у вышыню (197 сантыметраў) і з шастом (4,5 метра). Аднак гэтага хапіла, каб замацавацца на 11 радку турнірнай табліцы.

 

Аляксандр Шыш у бегу на 60 метраў з бар’ерамі паказаў другі вынік – 8,81 секунды, а на такой жа «гладкай” дыстанцыі стаў бронзавым прызёрам – 7,44 секунды. Трэцяе месца на спрынцерскай 60-метроўцы паказала і Алена Герасімчук – 8,12. У кроку ад п’едэстала спыніліся Таццяна Кіндрук, Наталля Дубіна і Ігар Каружанін, якія занялі чацвёртыя месцы.

 

На працягу трох дзён 4 мацнейшыя каманды – «Граніт”, «Феміда”, «Беларусбанк” і «Рэдзігерава” – аспрэчвалі чэмпіёнскі тытул. Кульмінацыйным стаў матч «Феміда” – «Граніт”. Ад яго выніка залежала, хто стане пераможцам. Выйграўшы першыя два сэты і захапіўшы лідэрства ў трэцім, пры ліку 20:15 «Феміда” не толькі прайграла рашаючы сэт, але і сустрэчу – 2:3. Гэта забяспечыла «Граніту” перамогу ў чэмпіянаце. «Беларусбанк”, які ў фінале не меў паражэнняў, стаў сярэбраным прызёрам. «Феміда” ў чарговы раз заняла трэцяе месца.

Лепшым іграком турніра прызнаны Барыс Веляскевіч («Феміда”), самым справядлівым суддзёй – Аляксандр Мірановіч.

 

У спартыўнай зале сельскагаспадарчага каледжа разгараліся сапраўдныя баталіі. Ва ўпартай барацьбе ў валебольным турніры прарабскі ўчастак перамог зборную ІТР – 3:1. Інжынерна-тэхнічныя работнікі аказаліся мацнейшымі ў перацягванні каната. У дартсе не было роўных Івану Качановічу. У шашках перамог Канстанцін Бондар, у гіравым спорце – Юрый Яшчанка. Выдатныя здольнасці прадэманстраваў Віктар Курак у армрэстлінгу. Як адзначыў дырэктар Аляксандр Трухноў, спартакіяда ператварылася ў сапраўднае свята, а дасягненні мужчын па годнасці ацанілі жанчыны, якія падтрымлівалі калег на працягу ўсіх спаборніцтваў.

 

Выязны матч «Базар” праводзіў у Оршы з «ВітЭнам”. Пры даволі роўным паядынку, гаспадары ўсё ж аказаліся мацней і перамаглі з лікам 5:3. У лунінчан вызначыліся Бандарук і двойчы Наварыч.

Не пайшла гульня ў «Граніта” ў Нясвіжы з «Верасам”. Выйграшы першы тайм з лікам 2:1, мікашэвіцкія футбалісты прайгралі 2:6. Галы ў «гранітаўцаў” забілі Ярмоліч і Шаўчэнка.

У дамашніх матчах «Базар” прымаў «Барысаў-900”, а «Граніт” – «Камунальнік”. Першая палова абодвух сустрэч завяршылася нячыйным вынікам – 3:3. Аднак з перавагай у адзін мяч госці выйгралі паядынкі адпаведна – 5:4 і 7:6.