Спорт

ГОЛЫМІ РУКАМІ “БАЗАР” НЕ ЎЗЯЦЬ

Гэта пацвердзіў матч чарговага тура чэмпіянату краіны па міні-футболе, у якім лунінецкі футбалісты сустракаліся з мінулагоднім пераможцам – новалукомльскім “ВітЭнам”.

Трэба сказаць, што фаварыт не даацаніў “Базар”, які па ходу матча двойчы выходзіў наперад. І толькі на 37-й хвіліне энергетыкі здолелі завалодаць перавагай, якую захавалі да канца матча – 5:4. Трэба адзначыць, што радуе надзейнасць варатароў лунінецкай каманды. У сімвалічную зборную ў 19-м туры ўвайшоў Аляксандр Яромаў, а ў 21-ым – Дзмітрый Ячмяновіч. Наступную гульню “Базар” правядзе ў Луніне 29 сакавіка з “Барысавым-900”.

“Граніт” прымаў дома аўтсайдэра – “Нёман” з Бярозаўкі. Ужо да перапынку стала відавочна, што мікашэвіцкія спартсмены не дазволяць гасцям “увезці” ачкі. У выніку – бездакорная перамога “Граніта” – 9:4. Самае галоўнае для “гранітаўцаў”, што перад матчам з гомельскім “БТЭУ”, які адбудзецца 28 сакавіка, абышлося без дыскваліфікацый, якія навіслі над Ярмолічам, Чарняўскім і Шаўчэнка.


Показать больше

Похожие статьи

Кнопка «Наверх»
Закрыть
Закрыть