Спорт

“КЛЕТАЧНЫЯ” РАЗБОРКІ

Шашкі

У нядзелю, 12 лютага, у Бродніцкім сельскім клубе
адбудзецца першынство раёна па рускіх шашках.

Да ўдзелу ў спаборніцтвах запрашаюцца каманды працоўных
калектываў у складзе 2 мужчыны і 1 жанчына. Пачатак у 10 гадзін.

Валейбол

З НОВЫМІ СІЛАМІ

Політэхнічны каледж збірае лепшыя жаночыя і мужчынскія
валейбольныя каманды. Менавіта тут 11 лютага адбудзецца ўрачыстае адкрыццё
чэмпіянату раёна. Пачатак у 10 гадзін.

Гульні будуць праходзіць у спартыўных залах каледжа і СШ
№2 па суботах і нядзелях з 10.00, а таксама серадах з 18.30.

Міні-футбол

У РАЗГАРЫ БАРАЦЬБЫ

Працягваецца турнір па міні-футболе памяці загінуўшых
воінаў-інтэрнацыяналістаў.

Пакуль у лідзіруючай групе знаходзяцца каманды “ІП”,
“Палессеэлектрамаш”, “РАУС” (Мікашэвічы) і “Лунін”. Між тым, уся барацьба яшчэ
наперадзе і сапернікі маюць рэальныя шанцы змяніць турнірнае становішча.

У суботу і нядзелю аматары спорту змогуць падтрымаць
каманды ў спартыўнай зале сельскагаспадарчага каледжа. Пачатак у 10 гадзін.

СТАРТАВЫЯ ПАЯДЫНКІ

другога круга чэмпіянату краіны па міні-футболе ў
вышэйшай лізе нашы каманды правялі на выездзе і прайгралі.

Між тым, нельга сказаць, што здаліся без бою. У Мінску
“Базар” сустракаўся з “Дарожнікам”, і ўжо на трэцяй хвіліне капітан каманды
Вячаслаў Міхальчанка адкрыў лік. Але праз чатыры хвіліны ў вароты Дзмітрыя
Ячмяновіча адзін за адным уляцелі два мячы. Лунінчане не збіраліся здаваць
пазіцыі і Вячаслаў Міхальчанка зноў быў дакладны і зраўняў лік. Роўная гульня
захоўвалася на працягу ўсяго матча, але ўдача была на баку гаспадароў, якія і
перамаглі з лікам 4:3. Трэці мяч у нашай камандзе забіў Аляксандр Рапецкі.

Не менш драматычна разгортваліся падзеі ў гульні паміж
“Гранітам” і “Ітранзішэн-БГУФК”, якая таксама праходзіла ў сталіцы. Падчас
адной з атак “гранітаўцаў” гаспадары згулялі не зусім удала, і запісалі на свой
рахунак аўтагол. Аднак праз дзве хвіліны яны ж зраўнялі лік. Роўная гульня
захоўвалася і на працягу другога тайма. Пераможную кропку ў матчы паставілі
мінчане – 2:1.

Наступныя матчы сваіх каманд прапусцяць Аляксей Шаўчэнка
(“Граніт”), які атрымаў пятае папярэджанне ў чэмпіянаце, і Аляксандр Рапецкі
(“Базар”), папярэджаны ў трэці раз.

У 17-м туры 11 лютага “Базар” будзе прымаць
“Барысаў-900”, а 12 лютага “Граніт” у дамашнім паядынку сустрэнецца з лідарам
чэмпіянату – сталічным “МАПІДам”.

Показать больше

Похожие статьи

Кнопка «Наверх»
Закрыть
Закрыть