Спорт

МЭТАНАКІРАВАНАЯ ПАДРЫХТОЎКА ДА АЛІМПІЯДЫ-2012

Лёгкая атлетыка

 

Лёгкая атлетыка лічыцца летнім відам спорту, аднак, усё часцей спартсмены імкнуцца паказаць высокія вынікі і ў зімовы перыяд, выступаючы ў крытых манежах. Аб гэтым, а таксама планах на летні сезон расказвае кандыдат у нацыянальную алімпійскую зборную мнагаборац Эдуард МІХАН:

– Галоўным стартам стаў Чэмпіянат Еўропы, які праходзіў у Парыжы. Да яго рыхтаваўся мэтанакіравана. На адборачным турніры перад адказнымі спаборніцтвамі паказаў даволі нядрэнныя вынікі: устанавіў асабістыя рэкорды ў бегу на 60 метраў з бар’ерамі – 8,09 секунды, што адпавядае нарматыву майстра спорту, у штурханні ядра – 14.41, што на 50 сантыметраў далей за папярэдняе дасягненне. Хуткімі аказаліся секунды на 60-метроўцы – 6,88. Гэта, зразумела, парадавала. Але на спаборніцтвах сярод ВНУатрымаў траўму, якая не дазволіла так жа ярка выступіць на еўрапейскім чэмпіянаце. Самы напружаны час настае зараз. Нядаўна вярнуліся са збораў з Алушты, дзе аднаўлялі сілы, а ўхуткім часе ў Стайках пачнем актыўную падрыхтоўку да летніх стартаў. Першым сур’ёзным выпрабаваннем стане неафіцыйны чэмпіянат свету, які пройдзе ў Аўстрыі 29 мая. У сярэдзіне ліпеня ў чэшскай Астраве адбудзецца маладзёжны Чэмпіянат Еўропы. У жніўні планую прыняць удзел ва Універсіядзе ў Шанхаі.

Настрой цудоўны, таму ўпэўнены, новыя поспехі – наперадзе!

 

Міні-футбол

З РАЗГРОМНЫМ ЛІКАМ

“гранітаўцы” перайгралі аўтсайдара чэмпіянату краіны па міні-футболе – “Рэчыцу”.

На пляцоўцы Палаца культуры “Граніт” мікашэвіцкія футбалісты адчувалі сябе сапраўднымі гаспадарамі. Галы літаральна сыпаліся ў вароты гасцей. Па чатыры мячы забілі Лямешка і Кіслюк, па аднаму – Халімончык, Скакалкін, Шылоўскі, Міхнюк, Ярмоліч, Шэўчык і Байда. Яшчэ адзін гол – на рахунку рэчыцкага футбаліста Касцюкевіча, ад якога мяч адскочыў ва ўласныя вароты. Госці ж на 16 забітых галоў здолелі адказаць толькі чатырма.

Няпроста склаўся матч у Мінску для лунінецкага “Базара”. Калі ў перашай палове сустрэчы ішла амаль роўная гульня з “Дынама-БНТУ”, то другі тайм расставіў кропкі над. У выніку “Базар” прайграў – 2:7.

У 27-м туры землякі сустрэнуцца ў вочным паядынку. 1 мая “Базар” будзе прымаць “Граніт”. Пачатак у 14 гадзін.

 

Футбол

НЕ ЗАБІВАЕШ ТЫ – ЗАБІВАЮЦЬ ТАБЕ

Аматары футболу з нецярпеннем чакалі пачатку новага сезону Чэмпіянату краіны па футболе ў першай лізе, дзе выступае мікашэвіцкая каманда “Граніт”. І вось радасны момант настаў. На стадыёне “Палессе” ў першым матчы нашы землякі прымалі “Полацк”.

З пачаткам сезону прыхільнікаў самай папулярнага віда спорту ў свеце павіншаваў старшыня райвыканкама Васіль Агіевіч. Пажадаў камандам бескампраміснай барацьбы і часцей радаваць балельшчыкаў яркай і цікавай гульнёй.

З першых хвілін матча госці з берагоў Дзвіны далі зразумець саперніку, што не збіраюцца адседжвацца ў абароне і прадпрымуць усё для таго, каб увесці з Лунінца ачкі. Роўная гульня, якая ў большай ступені вялася ў цэнтры поля, некалькі актыўных атак, – характэрны малюнак для абедзьвюх каманд у першым тайме, які закончыўся нулявой нічыёй.

У другой палове сустрэчы “Граніт” рэзка актывізаў лінію нападзення. І ў адной з атак прымусіў палачан парушыць правілы ў штрафной пляцоўцы. Суддзя назначыў пенальці, але мікашэвіцкія футбалісты не здолелі яго рэалізаваць: надзейна згуляў варатар. Гэта надало гасцям дадатковы імпульс, і яны правялі выніковую атаку. Вызначыўся Філіпаў. Не прайшло і 5 хвілін, як ён павялічыў адрыў да двух мячоў. Такім чынам, сваю першую гульню адзін з фаварытаў сезона “Граніт” прайграў 0:2 і дазволіў “Полацку” ўвезці перамогу.

Календар першага круга

2 тур 30.04. “Славія-Мазыр” – “Граніт” (Мікашэвічы)

3 тур 07.05. “Граніт” (Мікашэвічы) – “Рудзенск”

4 тур 14.05. “Баранавічы” – “Граніт” (Мікашэвічы)

5 тур 21.05. “Граніт” (Мікашэвічы) – “Смаргонь”

6 тур 27.05. “Партызан” (Мінск) – “Граніт” (Мікашэвічы)

7 тур 04.06. “Граніт” (Мікашэвічы) – “Гарадзея”

8 тур 12.06. “Белкард” (Гродна) – “Граніт” (Мікашэвічы)

9 тур 19.06. “Граніт” (Мікашэвічы) – “Ведрыч-97” (Рэчыца)

10 тур 26.06. “Слуцк” – “Граніт” (Мікашэвічы)

11 тур 02.07. “Граніт” (Мікашэвічы) – “ДСК-Гомель”

12 тур 09.07. “Граніт” (Мікашэвічы) – “Хімік” (Светлагорск)

13 тур 16.07. “Хваля” (Пінск) – “Граніт” (Мікашэвічы)

14 тур 23.07. “Граніт” (Мікашэвічы) – “Клечэск” (Клецк)

 

Мотабол

СТАРТ – ПА-ЧЭМПІЁНСКУ

Больш як 1000 аматараў мотаболу сабралося на гарадскім мотадроме, каб стаць сведкамі стартавага матча Чэмпіянату Беларусі, у якім “Лунінец” прымаў сталічную “Зару”.

Адзінаццаць хвілін спатрэбілася лунінчанам, каб “размачыць” вароты сапернікаў. Гэта зрабіў Бойка. Праз тры хвіліны мяч у вараты мінчан паслаў Багданец. У другім перыядзе гэтыя ігракі павялічылі перавагу да пяці мячоў. У заключнай частцы сустрэчы пераможую кропку паставіў Ісаеў, які запісаў на свой рахунак 2 галы. Госці ж здолелі адыграць усяго два мячы, прычым апошні – за некалькі секунд да заканчэння матча. 7:2 – упэўненая перамога “Лунінца”.

Показать больше

Похожие статьи

Кнопка «Наверх»
Закрыть
Закрыть