Спорт

РЭВАНШ ЗА НЯЎДАЧУ Ў ЧВЭРЦЬФІНАЛЕ

У стартавым матчы другога круга чэмпіянату краіны па міні-футболе мікашэвіцкі “Граніт” дома разграміў чэмпіёна краіны “ВітЭн”, чым “адпомсціў” за паражэнне ў нядаўнім чвэрцьфінальным кубкавым паядынку.
Пачатак матча можна ахарактарызаваць як “разведку боем”, калі на пляцоўцы панавала роўная гульня. Між тым, гаспадары аказаліся больш настойлівымі, і на 8-ай хвіліні Міхнюк адкрыў лік. Пасля чаго галы літаральна пасыпаліся ў вароты адной з мацнейшых каманд краіны. Лямешка запісаў у свой актыў хет-трык, па два галы на рахунку Міхнюка і Кіслюка, па аднаму – Шылоўскага і Скакалкіна. “ВітЭн” адказаў толькі адзіным мячом. У выніку 9:1 – выдатная перамога “Граніта”.
“Базар” у Луніне сустракаўся з лідэрам чэмпіянату – “Дарожнікам”. У адсутнасці трох вядучых ігракоў, не ўсё атрымлівалася. Пры ліку 0:5 лунінецкія футбалісты быццам прачнуліся, але даганяць заўсёды складаней. У выніку 4:9 – паражэнне “Базара”.
У 17-ым туры, 14 лютага, “Базар” згуляе дома з суседам па турнірнай табліцы “Белшынай”, а “Граніт” – на выездзе з “Дарожнікам”.

Показать больше

Похожие статьи

Кнопка «Наверх»
Закрыть
Закрыть