Спорт
СТАРТУЕ ЧЭМПІЯНАТ КРАІНЫ
Футбол
па футболе ў першай лізе.
У першым матчы, які адбудзецца 23 красавіка на стадыёне «Палессе” ў Лунінцы, мікашэвіцкі «Граніт” сустрэнецца з «Полацкам”. Пачатак гульні ў 16 гадзін.
Білеты можна набыць у касах стадыёна ў пятніцу з 14.00 да 19.00, у суботу з 10.00 да 16.00 па цане 3500 і 4000 рублёў, дзіцячы – 1500.
Алімпійскі рух
НОВЫЯ НАПРАМКІ Ў АДУКАЦЫІ
Прадстаўніцтва НАК Беларусі ў Брэсцкай вобласці вядзе актыўную работу па развіццю Праграмы алімпійскай адукацыі. Ва ўстановах адукацыі створаны 483 клубы «Юны алімпіец”, у тым ліку 37 – на Лунінеччыне.
Аб тым, што менавіта яны павінны стаць асновай для прапаганды алімпійскага руху ў раёне і ўзяць на сябе нагрузку ў правядзенні спартыўных спаборніцтваў, ішла гаворка на сустрэчы са старшынямі клубаў і намеснікамі дырэктараў школ па вучэбна-выхаваўчай рабоце, якая адбылася ў лунінецкай СШ №2. Аб ходзе выканання праграмы паведаміла намеснік начальніка раа Раіса Мазырчук, аб рабоце ў вызначаным напрамку метадыст Сяргей Антончык і кіраўнік клуба «Юны алімпіец” СШ №2 Раіса Савіч.
Выканаўчы дырэктар Прадстаўніцтва Алена Белаконенка прадставіла мультымедыйную прэзентацыю і адказала на пытанні прысутных.
Лёгкая атлетыка
УРАДЖЭНЦЫ ЛУНІНЕЧЧЫНЫ НА ВЫШЫНІ
У Іванава сабраліся лепшыя лёгкаатлеты вобласці, якія спецыялізуюцца на доўгіх дыстанцыях. У спаборніцтвах прынялі ўдзел выхаванцы ДЮСШ, вучылішчаў Алімпійскага рэзерву і школы вышэйшага спартыўнага майстэрства.
Прадстаўнікі Лунінеччыны двойчы падымаліся на п’едэстал гонару. Сярод юнакоў у бегу на 3000 метраў не было роўных Максім Наварыч. На 6-кіламетровай дыстанцыі другім фінішаваў ураджэнец Сінкевіч Васіль Гурэнка.
ВЫПРАБАВАННЕ НА ВЫНОСЛІВАСЦЬ
Падведзены вынікі каманднай барацьбы па кросе ў раённай спартакіядзе школьнікаў.
У малодшай групе лепшымі былі вучні мікашэвіцкай СШ №1, другое месца – у дварэцкіх школьнікаў, трэцяе – у дзятлаўчан. У сярэдняй узроставай групе перамаглі дзятлаўчане, у прызавую тройку ўвайшлі спартсмены мікашэвіцкай СШ №1 і Сінкевіцкай СШ. Сярод вучняў выпускных класаў не было роўных школьнікам з Кажан-Гарадка, другое месца заняла каманда мікашэвіцкай СШ №1, трэцяе – Лахвенскай СШ.
У агульным заліку першае месца занялі прадстаўнікі мікашэвіцкай СШ №1 (трэнеры М.У. Клеўжыц і М.Г. Насеня), на другім радку – Дзятлавіцкай СШ (В.Ф. Канапацкі і У.В. Кацуба), на трэцім – Сінкевіцкай СШ (А.М. Малая).
У барацьбе за лідэрства сярод базавых школ прызавая тройка выглядае наступным чынам: Азярніцкая, Ракітнянская і Чэрабасаўская.
Міні-футбол
ПАЗІЦЫІ ЎТРЫМАЛІ, АЛЕ МАТЧЫ ПРАЙГРАЛІ
У чарговым 25-ым туры нашым камандам не пашанцавала.
«Базар” прайграў дома аднаму з лідэраў чэмпіянату краіны гомельскаму «БЧ”. Літаральна з першых хвілін госці прадэманстравалі настрой на разгромны лік. Ужо на 13-й хвіліне лік стаў 0:6. Толькі пасля гэтага лунінчане крыху ажывіліся і крыху актывізавалі дзянні. У выніку настойлівай пагоні за сапернікам, «Базар” так і не здолеў яго дагнаць і прайграў з лікам 5:9. Аўтарамі мячоў у нашай камандзе сталі Бандарук, Рапецкі, Міхальчанка, Юрцэвіч і Туміловіч.
У Мінску «Граніт” не змог перайграць мясцовы «Ітранзішэн-БГУФК”. Гаспадары аказаліся больш удачлівыя, забіўшы ў вароты гасцей 4 мячы і прапусціўшы ў свае толькі 1, які запісаў у свой актыў Кіслюк.
У 26-м туры «Граніт” будзе прымаць «Рэчыцу”, а Базар згуляе на выездзе з «Дынама-БНТУ”.
