Спорт

СТУДЭНЦКІЯ ГУЛЬНІ

Лёгкая атлетыка

У Брэсце спартыўны комплекс “Брэсцкі” прымаў удзельнікаў рэспубліканскай
універсіяды.

Наша зямлячка, студэнтка БГУФК
Таццяна Нагорная выступала ў дзвюх дысцыплінах. У трайным скачку яна пераадолела
13 метраў 17 сантыметраў (асабістае дасягненне) і стала пераможцай. У скачках у
даўжыню вынік 5 метраў 75 сантыметраў дазволіў падняцца на другую прыступку
п’едэстала гонару.

Анонс

У суботу, 26 мая на стадыёне “Палессе” ў Лунінцы адбудзецца матч чэмпіянату краіны па футболе ў першай лізе з удзелам каманд “Граніт” (Мікашэвічы) і “Днепр” (Магілёў). Пачатак у 16 гадзін. Набыць білеты можна ў касах стадыёна ў дзень гульні з 12 да 16 гадзін.

Каратэ

РАНДОРЫ І КУМІТЭ

У першынстве горада па кёкусінкай-каратэ прынялі ўдзел 47 чалавек.

У рандоры (барцоўская версія без
нанясення ўдараў) у вагавай катэгоры да 25 кілаграмаў перамог Яраслаў Антонаў,
да 30 кілаграмаў – Глеб Чырэц, да 40 кілаграмаў – Барыс Аміраў, звыш 40
кілаграмаў – Мікіта Карпук.

У кумітэ (ударная версія) ва
ўзроставай групе 10-11 год першае месца занялі Наталля Карасёва і Ягор Гоман.
Сярод 12-13-гадовых юнакоў лепшым стаў Глеб Кэлкей, сярод 14-15-гадовых – Антон
Карпуковіч.

Пераможцы і прызёры ўзнагароджаны
граматамі і прызамі аддзела па справах моладзі райвыканкама і РФСК “Здароўе”.

Міні-футбол

НЕ ЗУСІМ СПРЫЯЛЬНЫ ФІНІШ

ХХІІІ міні-футбольны чэмпіянат завяршыўся. Цяпер настае час падводзіць
вынікі. А яны не на нашу карысць.

“Граніт” заняў 12 месца. А
лунінецкаму “Базару” давядзецца развітацца з вышэйшай лігай. Замест яго эліту
папоўняць “Агракамбінат “Паўднёвы” (Гомельскі раён) і “Нёман” (Бярозаўка).

У апошнім дамашнім матчы, які ўжо
па вялікаму рахунку нічога не вырашаў для аўтсайдара, “Базар” прайграў
светлагорскаму “ЦКК” з лікам 4:8. Прычым, першы тайм закончыўся нічыёй – 3:3.

Показать больше

Похожие статьи

Кнопка «Наверх»
Закрыть
Закрыть