Спорт

ТАЙНЫ ВОЗЕРА БЕЛАЕ

спасцігалі работнікі ўстаноў адукацыі, якія сабраліся на традыцыйны турзлёт.

15 каманд выказалі жаданне прадэманстраваць свае турыстычныя навыкі, спартыўную загартоўку і артыстычныя здольнасці. Падчас адкрыцця ўдзельнікаў спаборніцтваў віталі старшыня райкама прафсаюза работнікаў адукацыі і навукі Нэлі Рафаловіч і начальнік аддзела па справах моладзі райвыканкама Наталля Верас. Права падняць дзяржаўны флаг было дадзена мінулагоднім прызёрам – камандам Палескай і Любачынскай СШ. Нязменны “камендант” лагера Аляксандр Гарагляд нагадаў аб правілах тэхнікі бяспекі і культуры паводзін.

Спаборніцтвы пачаліся з валейбольнага турніра, які з’яўляецца самым працяглым, але і самым захапляльным. Пераможцай стала Лобчанская СШ, другое месца заняла Вялуцкая, трэцяе – Дварэцкая СШ.

Дождж, які раптоўна пачаўся, ніколькі сапсаваў настрой удзельнікам спаборніцтваў падчас пераадолення паласы перашкод. Тут лепшымі былі прадстаўнікі Лунінскай СШ. У воднай эстафеце не было роўных камандзе з Дварца. А ў тапаграфіі самымі прафесійнымі аказаліся настаўнікі Вулькаўскай 1 СШ. У спартыўных эстафетах перамагла Любачынская СШ, якая парадавала і самай змястоўнай насценгазетай. Не першы год лепшым бытам вызначаецца Палеская школа. Конкурс мастацкай самадзейнасці па традыцыі праходзіць ля кастра пад гукі гітары і гармоніка. Уразілі журы мадэлі прадстаўніц Вялуцкай СШ. Іх адзенне з “Настаўніцкай газеты”, малочных пакетаў і фальгі, а таксама забаўляльныя каментарыі “зарвалі” бурныя апладысменты.

У выніку двухдзённай барацьбы пераможцай стала Дварэцкая СШ. Другое месца занялі прадстаўнікі Любачынскай СШ, трэцяе – Палескай.

Усе прызёры, а таксама каманды Лунінскай, Вялуцкай, Лобчанскай СШ, лунінецкай СШ №2 і Азярніцкай БШ адначаны каштоўнымі падарункамі ад аддзела па справах моладзі райвыканкама.

Арганізатары турзлёта выказваюць удзячнасць урачу хуткай дапамогі Таццяне Насковіч, участковаму інспектару міліцыі Аляксандру Карпуковічу, начальніку аддзела па фізічнай культуры, спорту і турызме райвыканкама Аляксандру Рамановічу і кіраўніку ДПУ “Заказнікі рэпубліканскага значэння “Сярэдняя Прыпяць” і “Лунінскі” Васілю Мардухаю за дапамогу ў правядзенні мерапрыемства.


Показать больше

Похожие статьи

Кнопка «Наверх»
Закрыть
Закрыть